काभ्रे,
नमोबुद्ध नगरपालिकाले लम्पी स्किन रोगको जोखिम बढेसँगै अर्को सूचना जारी नभएसम्मका लागी वडा भित्र गाई भैंसी ओसारपसार नगर्न अपिल गरेको छ । नगरपालिकाले एक सुचना जारी गर्दै यस्तो आग्रह गरेको हो । पछिल्लो समय देसैभर गाईभैंसीमा लाग्ने लम्पी स्किन रोगको जोखिम तिब्र गतिमा बढेको छ ।
नगरपालिकाद्धारा जारि सुचनामा “नेपालका विभिन्न जिल्लाहरुका गाईभैसीहरुमा पक्स समुहको भाइरसबाट लाग्ने सरुवा किसिमको लम्पी स्किन रोग देखा परिरहेको अवस्थामा यस नमोबुद्ध नगरपालिका विभिन्न वडाहरूको गाई भैसीहरुमा उच्च ज्वरो आउने, शरीरका विभिन्न भागहरुमा साना देखि ठुला गिर्खाहरु देखिने, थुतुनो, ओठ, मुख, र नाकभित्र घाउ देखिने तथा लिम्फ नोड सुन्नीने लक्षण देखा परि विरामी भएको हुँदा यी रोग संक्रमित पशुबाट स्वस्थ पशुमा ओसारपसार र लसपसबाट सजिलै सर्ने हुँदा नगर क्षेत्र बाहिरबाट र नगर क्षेत्र भित्रका एक टोल देखि अर्को टोलमा गाई भैंसी ओसारपसार नगर्नु नगराउनुहुन सम्बन्धित सबैमा जानकारीको लागि यो सूचना प्रकाशन गरिएको छ ।” भनिएको छ ।
