रोशी सहकर्मी–बैशाख ३
२०७७,काभ्रे/

द्रुत परीक्षणमा भएको किटमा पोजेटिभ देखिएका काभ्रेपलाञ्चोकका दुई युवाको स्वाव परीक्षणमा रिपोर्ट नेगेटिभ आएको छ । जिल्ला स्वास्थ्य कार्यालय काभ्रेका प्रमुख नरेन्द्रकुमार झाले दुई जना कै रिपोर्ट नेगेटिभ आएको जानकारी दिनुभयो ।

आरडीटी किटमा पोजेटिभ देखिएपछि उनीहरुलाई थप परीक्षणका लागि हिजो धुलिखेल अस्पताल भर्ना गरिएको थियो । बेथानचोक वडा न ५ र मण्डनदेउपुर नगरपालिका वडा न ३ का युवामा आरडीटी परीक्षणमा पोजेटिभ देखिएको थियो । उनीहरु भारत र दुवईबाट फर्किका थिए ।

बुधबार धुलिखेल अस्पतालमा १११ जनाको स्वाव परीक्षण गरिएकोमा सबैको रिपोर्ट नेगेटिभ आएको झाले जानकारी दिनुभयो । शुक्रराज ट्रपिकल अस्पतालबाट आएका १०६ र धुलिखेल अस्पतालका पाँच जनाको स्वाव परीक्षण गरिएको् थियो । काभ्रेमा अहिले सम्म २६३ जनाको आरडीटी परीक्षण भइसकेको र सबैको नेगेटिभ आएको स्वास्थ्य कार्यालय काभ्रेले जनाएको छ ।

सम्बन्धित समाचार:

बेथान्चोक र मण्डनदेउपुरका दुई युवामा कोरोना देखियो, धुलिखेल अस्पतालमा थप परिक्षण हुँदै

Facebook Comments