काभ्रे,रेडियो रोशी,
काभ्रे जिल्लाको रोशी गाउँपालिका वडा नं.३ फलामेसागु स्थित रोशी खोलाको किनारमा शव फेला परेको छ । आज दिउँसो रोशी गाउँपालिका वडा नं ३ फलामेसागु र नमोबुद्ध नगरपालिकाको सिमाना रोशी खोलाको किनारमा शव फेला परेको हो । अन्दाजी ३० बर्षको जस्तो देखिने पुरुस ब्यक्तिको शव फेला परेको जिल्ला प्रहरी कार्यालय काभ्रेका सुचना अधिकारी एवम डीएसपी मिन बहादुर घलेले जानकारी दिनुभयो।
शव पनौती तथा बेथान्चोक देखि बगाएर ल्याएको हुन सक्ने रोशी गाउँपालिका वडा नं. ३ का वडा अध्यक्ष धनजीत लामाले रेडियो रोशीसँग बताउनुभयो । यदि कसैको आफन्त हराएको, बेपत्ता भएको तथा उक्त शव पहिचान गर्न सक्नेले जिल्ला प्रहरी कार्यालय काभ्रेमा तुरुन्त खबर गर्नुहुन अध्यक्ष लामाले आग्रह गर्नुभएको छ ।
शव फेला परेको जानकारी प्रहरीलाई आएसँगै जिल्ला प्रहरी कार्यालय काभ्रेको टोली घटनास्थलमा जादै गरेको डीएसपी मिन बहादुर घलेले जानकारी दिनुभयो ।
