रेडियो रोशी
सामुदायिक विद्यालय व्यवस्थापन समिति महासंघले वडाध्यक्ष वा वडा सदस्यलाई विद्यालय व्यवस्थापन समितिको अध्यक्ष बनाउन नहुने माग अघि सारेका छन् ।विद्यालय व्यवस्थापन र संचालनमा अभिभावक तथा समुदायको सहभागीताको अधिकार प्रति ठाडो हस्तक्षेप भएको, सामुदायिक विद्यालयको मर्म माथि नै प्रहार भएको, सामुदायिक विद्यालय समुदायको हातबाट खोसिएको, अभिभावक र विद्यालय बिचको सम्बन्ध छुटाएर राजनीतिक हस्तक्षेप बढाएको र समग्रमा नेपालको सार्वजनिक शिक्षा माथि नै प्रहार भएको निष्कर्षमा सामुदायिक विद्यालय व्यवस्थापन समिति महासंघ नेपाल पुगेको छ । अभिभावकको आधिकारिक प्रतिनिधि संस्थाको रुपमा कृयाशिल विद्यालय व्यवस्थापन समितिमा अभिभावकको नेतृत्व र सहभागीताको अधिकारबाट अभिभावकलाई बञ्चित गराउने महानगरको यो निर्णय आपतीजनक रहेको महासंघले जनाएको छ । संविधानत विद्यालय शिक्षाको नियामक निकायको रुपमा रहेको स्थानीय सरकारको वडा अध्यक्ष समितिको अध्यक्ष वि.व्य.स रहने कुरा अशोभनिय र अव्यवहारिक मात्रै नभई अभिभावकको अधिकार कुण्ठित गर्दै विद्यालयमाथी राजनीतिक हस्तक्षेप गर्ने मनसाय रहेको महासंघको बुझाई छ। ।
सामुदायिक विद्यालय व्यवस्थापन समिति महासंघले वडाध्यक्ष वा वडा सदस्यलाई विद्यालय व्यवस्थापन समितिको अध्यक्ष बनाउन नहुने माग अघि सारेका छन् । मन्त्रिपरिषद्मा विचराधीन विधेयकमा वडाध्यक्ष वा निजले तोकेको वडा सदस्य विद्यालयको अध्यक्ष हुने व्यवस्था गरिएको छ । व्यवस्थापन समिति महासंघले शुक्रबार पत्रकार सम्मलेन गरेर अभिभावकलाई नै अध्यक्ष बनाउनु पर्ने माग अघि सारेको हो ।
शिक्षक महासंघले पनि अभिभावकबाटै वडाध्यक्ष चयन हुने व्यवस्था गरिनुनपर्ने धारणा राखेको छ । व्यवस्थापन समिति महासंघका अध्यक्ष गुणराज मुक्तानले अभिभावक भेलामार्फत अध्यक्ष चुनिनुपर्ने बताए । विद्यालय व्यवस्थापन समिति अध्यक्षको कार्यकाल ५ वर्षे हुने र विद्यालयमा प्रधानाध्यापक नियुक्ति गर्दा समितिको निर्णायक भूमिका हुनु पर्ने बताए ।शिक्षक महासंघले शिक्षक सेवा आयोगको सिफारिसमा प्रअ चयन र नियुक्ति हुनुपर्ने जनाएको छ ।
