काभ्रे,
संयुक्त अरब इमिरेट्स (युएई) मा काभ्रेपलाञ्चोक जिल्लाको धुलिखेल नगरपालिकाले हासिल गरेको शुन्य कार्बन शहरको चर्चा भएको छ । वातावरण अनुकुलन विश्व निर्माणमा ‘आर्कटिक सर्कल र दिगो विकास सप्ताह अबुदाबी २०२३’ मा विश्व समुदायको ध्यानाकर्षण गर्न हिन्दु कुश क्षेत्रको वातावरण र मौसमी परिवर्तनलाइ स्थानीयकरण गरि धुलिखेल नगरले खेलेको भुमिका अत्यन्त सफल र उदाहरणीय भएको मुल्याङकन गर्दै शुन्य कार्बन शहर र दिगो विकासमा प्राप्त कार्य सफलता तथा नमुना शहरका बारेमा नगर प्रमुख अशोक कुमार ब्याञ्जु श्रेष्ठले सम्बोधन गर्नुभएको थियो । दिगो विकास सप्ताहमा उत्तरी ध्रुव र दक्षिण ध्रुवपछि अब तेस्रो ध्रुब निर्माण गरि कम विकसित र वातावरणीय प्रभावमा रहेका देशहरुको हितमा काम गर्ने गरि नयाँ धारण बनाएर अघि बढ्ने सम्मेलनले निष्कर्ष निकालेको नगरप्रमुख ब्याञ्जुले बताउनुभयो ।
यसअघि धुलिखेल नगरपालिकाले पुरा गरेको दिगो विकासका ४ वटा लक्ष्यका उपलब्धी र अभियानका बारे संयुक्त राष्ट्रसंघमा नेपालको तर्फबाट नगरप्रमुख ब्याञ्जुले सम्बोधन गर्नुभएको थियो । दिगो विकासका लक्ष्य पुरा गर्न नगरपालिकाले अपनाइरहेको विभिन्न अभ्यासहरु अहिले विकसित राष्ट्रहरुका लागि समेत सिकाईको विधि बनिरहेको छ ।
