काभ्रे,
रोशी गाउँपालिकाको सहयोग तथा रोशी ह्याण्डी क्राफ्टको सहकार्यमा २० दिने सीप विकास तालिमको उद्घाटन भएको छ । गाउँपालिका अध्यक्ष दिनेश लामाको प्रमुख आतिथ्यतामा उक्त तालिमको उद्घाटन भएको रोशी ह्याण्डी क्राफ्टको प्रोपाईटर मनिष बलले जानकारी दिनुभयो । रोशीका एकल तथा असहाय महिलाहरु, आर्थिक स्थिति कमजोर भएका महिला तथा पुरुषहरु, अपांग तथा असाहाय महिला तथा पुरुषहरु, दलित तथा पिछडिएका वर्गका महिला तथा पुरुषहरुलाई प्राथमिकताका साथ उक्त तालिम प्रदान गरिएको हो ।
विशेषगरी मकैको खोस्टाबाट मुढा, चकटी र अन्य सामानहरु, ऊनी धागोबाट टोपी, मोजा तथा अन्य सामानहरु, फेल्टबाट म्याट, फूल बनाउने तथा अन्य सजावटका सामानहरु निर्माण सम्बन्धि तालिम प्रदान गर्ने प्रोपाइटर मनिष बलले जानकारी दिनुभयो ।
