काभ्रे,
नेपालमै पहिलो पटक बुद्धचित्त ब्यवसायीहरु संगठित भएका छन् । बुद्धचित्त ब्यवसायीहरुको भेलाले नेपाल बुद्धचित्त ब्यवसायी महासंघ गठन गरेको हो । महासंघको अध्यक्षमा काभ्रे जिल्लाको डि.एल तामाङ (प्रभात) चयन चयन हुनुभएको छ । महासंघमा १९ जना सदस्य रहेका छन् । महासंघको उपाध्यक्षमा बिल बहादुर तामाङ, महासचिबमा टिकालाल तामाङ, सचिबमा डेनो थिङ र कोषाध्यक्षमा इश्वरी कुमारी लामा चयन हुनुभएको छ । सदस्यहरुमा अमर लामा, विजय लामा, सोवित सिं स्याङतान, शुसिल वाइबा, टिना योञ्जन लामा, रोज बहादुर तामाङ, जीतपुर तामाङ, कुमार तामाङ, शिवराज तामाङ, हेमा श्रेष्ठ, नारायण तामाङ, देव सिं लामा र मेक ध्वज मोक्तान रहनुभएको छ ।
बुद्धचित्तको राष्ट्रिय तथा अन्तर्राष्ट्रिय स्तरमा सहज ढंगले ब्यापार ब्यवसाय गर्न महासंघले मुख्य भूमिका खेल्ने छ । केहि समयदेखि बुद्धचित्त मालाको मुल्य राम्रो नभएको किसानहरुले गुनासो गरेका छन् । काभ्रेपलाञ्चोक जिल्लाको तेमाल र रोशी गाउँपालिकाबाट यसको ब्यापार सबैभन्दा बढी भैरहेको ब्यवसायीहरुले बताएका छन् । काभ्रेको लगभग तामाङ समुदायको बस्ती भएका ठाउँमा बुद्धचित्त ब्यवसायीक रुपमै खेती हुन थालेको छ ।
