रोशी सहकर्मी–जेठ २०,
२०७७,काभ्रे/

काठमाडौं विश्वबिद्यालय (केयू) ले बन्दाबन्दीको समयको पनि बिद्यार्थीसँग शुल्क मागेको भन्दै अनेरास्ववियूले प्रशासनको ध्यानकर्षण गराएको छ । आज एक विज्ञप्ती मार्फत अनेरास्ववियू केयू केन्द्रीय क्याम्पस कमिटिले ध्यानकर्षण गराएको हो ।

अनेरास्ववियूका संयोजक जितेन्द्र खड्का र सहसंयोजक अविनाश सिलवालद्धारा हस्ताक्षरित विज्ञप्तीमा कोभिड १९ का कारण विश्व व्यापी रुपमा आर्थिक मन्दि आएको वर्तमान सन्र्दभमा काठमाडौं विश्वबिद्यालयले सुरु नै नभएको शैक्षिक सत्रको लागि शुल्क झुक्तान गर्न जारी गरेको सूचनाको सन्र्दभमा अनेरास्ववियू काठमाडौं विश्वविद्यालयको गम्भीर ध्यानकर्षण भएको जनाइएको छ । नेपाल सरकारले मन्त्रीपरिषदको निर्णय मार्फत कुनै पनि बहानामा शुल्क नउठाउन दिएको निर्देशनको अवेज्ञा गर्ने मनासायले सूचना जारी गर्नु विश्वबिद्यालयको गम्भीर त्रुटी हो भन्ने हाम्रो ठम्याई छ ।

विज्ञप्तीमा उत्पन्न परिस्थितिका कारण आगमी सेमिस्टार अनलाइन सञ्चालन गर्नुपर्ने परिस्थितीमा विश्वविद्यालयको भौतिक कुनै पनि सुविधा एकेडेमिक बाहेक प्रयोग गर्न नसक्ने अवस्थामा टुयुसन फि बाहेक विश्वविद्यालयले लिदै आएको सम्पूर्ण शुल्क कटौती गर्न अनेरास्ववियू जोडदार माग गर्दछ भनिएको छ ।

अनेरास्ववियूले प्रयोग नभएका समयको छात्रछात्रा वासमा छुट, कोभिड १९ का कारण अत्यन्तै निम्न आएका परिवारका सदस्यलाई स्कोलारसिप स्किम घोषणा गर्न माग गरेको छ । उपकुलपतिको कार्यालय, रजिष्टारको कार्यालय, बिद्यार्थी कल्याण निर्देशनालय र वित्त विभागलाई ध्यानकर्षण गराएको छ ।

Facebook Comments