काभ्रे,
आज उपनिर्वाचन भएको तिन क्षेत्रको नतिजा पर्सि बिहानसम्ममा आइसक्ने निर्वाचन आयोगका सहायक प्रवक्ता सूर्यप्रसाद अर्यालले जानकारी दिनुभएको छ । चितवन क्षेत्र नम्बर २, तनहुँ १ र बारा २ मा प्रतिनिधि सभाको उपनिर्वाचन सुरु भएको छ । सम्बन्धित जिल्लाका प्रमुख जिल्ला अधिकारीहरूका अनुसार बिहान ७ बजे मतदान सुरु भइसकेको छ । साँझ ५ बजेसम्म मतदान जारी रहने निर्वाचन आयोगले जनाएको छ । उपनिर्वाचनका लागि १ सय ९४ मतदान स्थल र ४ सय २७ मतदान केन्द्र तोकिएको छ ।
निर्वाचनलाई भयरहित बनाउनका लागि सबै सुरक्षा व्यवस्था मिलाइएकाले मतदानमा ढुक्क भएर सहभागी हुन गृहमन्त्रालयले मतदातासँग अनुरोध गरेको छ । तीनवटै निर्वाचन क्षेत्रमा गरी उपनिर्वाचनमा ३ लाखभन्दा धेरै मतदाता सहभागी हुँदैछन् ।
