रोशी सहकर्मी–चैत्र २१,
२०७६,रामेछाप/

रामेछापको पुरानो सदरमुकाम रामेछाप बजारमा नयाँ गोरखदल गण रामेछापले दुईपांग्रे र चारपांग्रे सवारी साधन प्रबेशमा रोक लगाएको छ । सरकारले जारी गरेको निषेधाज्ञाको बेला पनि सवारीको चाप कम नभएपछि कोरोना भाईरसको संक्रमण हुन सक्ने आशंका बढ्दै गएको भन्दै नयाँ गोरखदल गणले ब्यारेक गेट अगाडी काँडे तार हालेर सवारी साधन प्रबेशमा रोक लगाईएको नयाँ गोरखदल गण रामेछापका गणपति गणेश भण्डारीले जानकारी दिनुभयो । लकडाउन जारी रहेको अवस्थामा पनि प्रहरीको चेक जाँचलाई छल्दै सवारी साधनहरुको आवत जावत नरोकिएपछि बाध्य भएर सवारी साधन प्रबेशमा रोक लगाउनु परेको उहाँको भनाई छ । ईमर्जेन्सी सवारीको आवागमन र पास लिएका सवारी साधनको आवागमनलाई भने अबरोध नगरिएको उहाँको भनाई छ । नयाँ गोरखदल गणले १० बेडको क्वारेन्टाईन कक्ष स्थापना गरेको गणपति भण्डारीले बताउनुभयो ।

Facebook Comments