काभ्रे,
रोशी गाउँपालिका वडा नं ७ कटुञ्जेबेशीमा १ दिने निःशुल्क आयुर्वेद स्वास्थ्य शिविर सम्पन्न भएको छ । शिविरबाट रोशी गाउँपालिका वडा नं ६,७, ८ र आसपासको वडाहरुबाट १९२ जना नागरिकहरु प्रत्यक्ष लाभान्वित भएको आयुर्वेद स्वास्थ्य शाखाका प्रमुख सविता गौतमले जानकारी दिनुभयो । रोशी गाउँपालिकाको आयुर्वेद स्वास्थ्य शाखाको आयोजनामा रोशी ७ को रोशी माध्यमिक विद्यालयमा उक्त शिविर सञ्चालन गरिएको हो । गाउँपालिकाको अध्यक्ष दिनेश लामाको प्रमुख आतिथ्यमा संचालन भएको शिविरमा ग्याँस्टिक, कफ, छाला रोग, डाइवेटिस जस्ता रोगको निःशुल्क उपचार गरिएको गौतमले जानकारी दिनुभयो । साथै रोगको प्रकृतिअनुसार निःशुल्क रुपमा आवश्यक आयुर्वेद औषधी पनि वितरण गरिएको हो ।
