काभ्रे,
रोशी गाउँपालिकाको तेस्रो राष्ट्रपति रनिङ शिल्डको उपाधि चुम्न रोशी माध्यमिक विद्यालय सफल भएको छ । रोशी गाउँपालिका वडा न. ७ कटुन्जेको रोशी मा.वि.ले ८ ओटा स्वर्ण पदक सहित अन्य विधामा द्धितिय स्थान २ वटा र ५ वटा विधामा तृतिय स्थान हासिल गर्न सफल भएको हो । त्यसैगरी रोशी ६ सिपालीको हिमालय माध्यमिक विद्यालयले द्धितिय स्थान हासिल गर्न सफल भएको छ । हिमालयले ६ स्वर्ण, ५ विधामा द्धितिय र ६ विधामा तृतिय स्थान हासिल गर्न सफल भएको हो । त्यसैगरी रोशी ११ को पोक्रा माध्यमिक विद्यालयले तृतिय स्थानहा सिलगर्न सफल भएको छ । उक्त विद्यालयले ४ स्वर्ण, ७विधामा द्धितिय र २ विधामा तृतिय स्थान हासिल गर्न सफल भएको हो । रोशी माध्यमिक विद्यालयका प्रधानाध्यापक विन्दु प्रसाद ढुंगानाको सभापतित्वमा गाउँपालिका प्रमुख दिनेश लामा, उपाध्यक्ष मिमबहादुर वाईवा (ज्वाला), जिल्ला समन्वय समितिका उपप्रमुख रिम बहादुर लामा, ईलाका प्रहरी कार्यालयका प्रहरी निरीक्षक हरि बहादुर बस्नेत लगायत माध्यमिक विद्यालयको प्रधानाध्यापकहरुको आतिथ्यतामा सम्पन्न भएको हो ।
नेपाल सरकार युवा तथा खेलकुद मन्त्रालयको तत्ववाधान तथा राष्ट्रिय खेलकुद परिषदको संयोजकत्वमा हरेक वर्ष सञ्चालन हुने विद्यालय स्तरीय खेलकुद प्रतियोगिता एवं राष्टपति रनिङ शिल्ड प्रतियोगिता सञ्चालन निर्देशिका, २०७० (संशोधन) सहित बमोजिम विद्यालयतहका १८ वर्ष मुनिका विद्यार्थीहरुको सहभागीता रहेको थियो । रोशी माध्यमिक विद्यालयमा भएको उक्त प्रतियोगितामा २४ विधामा खेल सम्पन्न भएको शिक्षा शाखाका प्राविधिक सहायका राजेन्द्र सिग्देलले जानकारी दिनुभयो ।
