काभ्रे,देबराज उप्रेती,
काभ्रे जिल्लाको नमोबुद्ध नगरपालिकाले नगर भित्रका बेरोजगार व्यक्तिसँग न्यूनतम रोजगारीमा संलग्न हुन निवेदन माग गरेको छ । नगरपालिकाले आज एक सुचना जारी गदै नगर भित्रका बेरोजगार व्यक्तिसँग निवेदन माग गरेको हो । आ.व.२०८०÷८१ को लागि न्यूनतम रोजगारीमा संलग्न हुन बेरोजगार व्यक्तिसँग निवेदन माग गरीएको हो ।
रोजगारीको हक सम्बन्धि ऐन २०७५ र प्रधानमन्त्री रोजगार कार्यक्रम संचालन निर्देशिका, २०७५ (पहिलो संशोधन २०७७ सहित) बमोजिम नगरपालिका भित्रका आर्थिक वर्ष २०८०÷८१ मा न्यूनतम रोजगारीमा आबद्ध हुन चाहाने बेरोजगार व्यक्तिलाई आफ्नो सम्बन्धित वडा कार्यालयमा मिति २०७९ फागुन १ देखि ३० गते भित्रमा नागरीकताको प्रतिलिपी १ प्रति, पासपोर्ट साइजको फोटो १ प्रति र फारममा उल्लेख गरिने परिवार (१८–५९वर्ष) का नागरिकताको प्रतिलिपी १ प्रति सहित अनुसूचि १ बमोजिमको ढाँचामा फारम भरी वडा कार्यालयमा बुझाउन हुन सबैमा अनुरोध गरेको छ । फारममा उल्लेख गरिने परिवारका सदस्यले नागरिकता नलिएकाको हकमा जन्म मिति खुल्ने कागजात समावेश गर्नु पर्ने छ। २०७८÷०७९मा सूचीकृत भएको व्यक्तीहरुको हकमा उल्लेखित फारममा परिचय पत्र न अनिवार्य उल्लेख गर्नुपर्ने सुचनामा भनिएको छ ।
