काभ्रे,
विपद् जन्य जोखिममा उद्धारको लागि काभ्रे जिल्लामा सशस्त्र प्रहरी बलको टोली खटिएको छ । सशस्त्र प्रहरी बल नेपाल नम्बर १५ गण हेड क्वाटर काभ्रेबाट सशस्त्र प्रहरी निरिक्षक दिपेन्द्र खड्काको कमाण्डमा आवश्यक विपद उद्धार सामाग्री सहित २० जना प्रहरीको टोली काभ्रे जिल्लाका विभिन्न ठाउँमा खटिएका हुन् ।
विपि राजमार्ग अन्तर्गत रोशी गाउँपालिकाको चिउरीबास, भ्याकुरे खोला, लास खोला, कालढुंगा क्षेत्रमा अविरल वर्षाका कारण ढुंगा, पहिरो तथा लेदो खसेर सडक अवरुद्ध भएको र हुनसक्ने , जिल्लाको अन्य ठाउँमा सम्भावित विपद् सम्बन्धी घटनाहरुको स्थलगत अनुगमन, अन्य सरोकारवाला निकायसँग समन्वय तथा उद्धारका लागि टोलि खटिएको हो ।
