काभ्रे,
आजदेखि पानी पर्ने क्रम केही कम हुने मौसमविद्ले बनाएका छन् । पानी पार्ने प्रणाली कमजोर हुँदै गएकाले हिजो र अस्तिको तुलनामा आज र भोलि कम पानी पर्ने मौसम पूर्वानुमान महाशाखाले जनाएको छ । महाशाखाका वरिष्ठ मौसमविद् प्रतिभा मानन्धरले सीआईएनसँग कुरा गर्दै आज कोशी प्रदेश लगायत देशका पहाडी भूभागका थोरै स्थानमा मेघगर्जन र चट्याङसहित हल्का पानी पर्ने सम्भावना रहेको बताउनुभयो ।
उहाँका अनुसार कोशी प्रदेश लगायत देशका पहाडी भू–भागमा आंशिकदेखि सामान्य बदली रही बाँकी भूभागमा मौसम आंशिकदेखि सामान्यतया सफा रहने छ । यस्तै राति कोशी र गण्डकी प्रदेशका पहाडी भूभागका एकदुई स्थानमा मेघगर्जन र चट्याङसहित पानी पर्ने उहाँको अनुमान छ ।
