काभ्रे,
रोशी गाउँपालिकामा सुन्तला जातको फलफूलमा लाग्ने फल कुहाउने औसा (झिँगा) रोकथाम तथा नियन्त्रणका लागि कार्यक्रम सञ्चालन भइरहेको छ । रोशी गाउँपालिकाको कृषि विकास शाखाद्धारा आयोजना गरिएको उक्त कार्यक्रम कृषकहरुको जटिल समस्याको सम्बोधन गर्दै सञ्चालन गरिएको कृषि विकास शाखाका प्रमुख समिता तामाङले जानकारी दिनुभयो ।
यस कायक्रम अन्तर्गत सुन्तलामा लाग्ने झिँगा नियन्त्रण गर्ने उपायहरुमा प्राटिन बेट प्रयोग गर्ने विधि व्यवहारिक रुपमा सिकाउनका साथै उक्त रोग नियन्त्रणको लागि विषादि, पि. पि. ई. मास्क, पन्जा, चस्मा स्पे्रयर सहित कृषकहरुलाई प्रदान गरिएको छ । उक्त कार्यक्रम जेठ २१ गते वडा न १२ शिखरपुरमा, जेठ २२ गते वडा नम्बर ११ भिमखोरीमा भएको थियो भने आज जेठ २३ गते वडा नम्बर १० वाल्टिङमा र जेठ २४ गते वडा नम्बर ६ सिपालीमा हुने भएको शाखा प्रमुख तामाङले जानकारी दिनुभयो ।
