नेपाल शिक्षक संघ काभ्रेले सस्थापक अध्यक्षका साथै सेवा निवृत र सेवा प्रवेश गर्ने शिक्षकलाई सम्मान र स्वागत गरेको छ ।
स्थापना दिवसको अवसर पारेर शिक्षक संघ काभ्रेले सस्थापक अध्यक्ष देवकृष्ण शर्मालाई दोसल्लासहित सम्मानपत्र प्रदान गरियो । बागमति प्रदेशका खानेपानी, उर्जा तथा सिंचाई मन्त्री एवं नेपाली काङ्रेस जिल्ला सभापति तिर्थ लामाले उहाँलाई दोसल्ला ओढाइ सम्मान गर्नुभयो । जिल्ला सभापति तिर्थ लामा बागमति प्रदेशको खानेपानी, उर्जा तथा सिंचाई मन्त्री साथै जिल्ला सचिव गुणराज मोक्तान सामुदायिक विद्यालय व्यवस्थापन समिती महासंघको अध्यक्ष भएकोमा बधाई ज्ञापन गरिएको थियो ।
मन्त्री लामाले शिक्षकका पेशागत सुरक्षाको लागि काङ्ग्रेस सधै प्रतिवद्ध रहेको बताउनुभयो । लोकतन्त्र प्राप्तिको लागि शिक्षकले खेलेको भुमिकाको प्रशंसा गर्दै उहाँले काङ्ग्रेसले सो योगदानको सधै कदर गरेको बताउनुभयो । उहाँले खानेपानी आधारभुत आवस्यकता भएको भन्दै काभ्रेका सबै भुगोलमा खानेपानी पुर्याउने प्रतिवद्दता जनाउनुभयो ।
कार्यक्रममा नेपाली काङ्ग्रेस काभ्रेका सचिव माधव ढकाल, गुणराज मोक्तान, पनौती नगर प्रमुख रामशरण भण्डारी, नेपाली काङ्रेस बनेपा नगर सभापति महेशकुमार कर्माचार्य, नेपाल शिक्षक महासंघ काभ्रेका अध्यक्ष आस्विनप्रसाद चौलागाईं, नेपाल शिक्षक संघ भक्तपुरका अध्यक्ष सहदेव साखःकर्मी, काभ्रेका अध्यक्ष शम्भुप्रसाद घिमिरे, उपाध्यक्ष रुपा थापा लगायतले शिक्षा क्षेत्रबारे चर्चा गरेका थिए ।
शिक्षक संघ काभ्रेले तयार गरेको शैक्षिक क्यालेन्डर सार्वजनिक गरिएको कार्यक्रममा सेवा निवृत र सेवा प्रवेश गर्ने शिक्षकलाई सम्मान र स्वागत गरिएको थियो । कर्मचारी सञ्चय कोष, शिक्षक किताबखाना, नागरिक लगानी कोषका अधिकृतहरुले ती सस्थाबाट प्रदान हुने सेवा बारे अनुशिक्षण प्रदान गरेका थिए ।
