काभ्रे,
काभ्रे जिल्लाको तेमाल गाउँपालिकाले पालिकाभित्रका स्थानीय सेवामा कार्यरत स्थायी कर्मचारीहरुको तहबृद्धिको लागि कर्मचारीहरुसँग आवेदन माग गरेको छ । आन्तरिक मामिला तथा कानून मन्त्रालय, बागमती प्रदेश सरकारद्वारा स्थानीय सेवा गठन तथा सञ्चालन अध्यादेश ऐन २०७९ को दफा ३० मा तह वृद्धि हुने पदभन्दा एक तह मुनिको पदमा पाँच वर्ष सेवा अवधि पूरा भएका पछिल्लो पाँच वर्षको कार्यसम्पादन मूल्याङ्कनमा औषतमा ९५ प्रतिशत प्राप्त गरेका न्यूनतम शैक्षिक योग्यता पुगेका साथै पाँचौं तहको हकमा दफा ९ को उपदफा १,२ र ९ बमोजिम पाँच वर्ष सेवा अवधि पूरा गरेका स्थानीय सेवाका कर्मचारीहरुको सम्बन्धित सेवा समूह वा उप समूह भित्र तह वृद्धिको व्यवस्था रहेको छ।
गाउँपालिकाले एक सुचना जारी गर्दै कार्यरत स्थानीय सेवाका (स्वास्थ्य सेवा समेत) योग्यता पुगेका स्थायी कर्मचारीले आफूले हासिल गरेको शैक्षिक योग्यताको प्रमाणपत्र र हालको पदमा नियुक्ति वा बढुवा पाएको पत्रको प्रतिलिपि सहित यो सूचना प्रकाशित भएको मितिले १५ दिन (अन्तिम दिन सार्वजानिक विदा परेमा सोको भोलिपल्ट) कार्यालय समयमा तोकिएको ढाँचामा पालिकामा दरखास्त पेश गर्नु हुन सम्बन्धित सबैमा अपिल गरेको छ । साथै थप जानकारीको लागि गाउँपालिका कार्यालयको प्रशासन शाखामा सम्पर्क राख्नु आग्रह गरीएको छ ।
पाँचौँ तहको लागि न्यूनतम योग्यता ÷ शैक्षिक योग्यताहरुः
सेवा अवधिः सहवृद्धि हुन चाहेको तह भन्दा एक तह मुनीको पदमा कम्तीमा ५ वर्ष सेवा अवधिः पुरा भएको ।
स्वास्थ्य सेवा बाहेक अन्य तहकोः सम्बन्धित सेवाको चौथो तहको लागि तोकिएको न्यूनतम शैक्षिक योग्यता भएको
स्वास्थ्य सेवा तहको लागिः सम्बन्धित सेवाको चौथो तहको लागि तोकिएको न्यूनतम शैक्षिक योग्यता भएको।
पेश गर्नुपर्ने कागजातहरुः
१. तोकिएको ढाँचामा आवेदन, (यसै सूचनासाथ संलग्न)
२. सुरु नियुक्ति, तहबुद्धि ÷ बढुवा भएको प्रतिलिपिहरू
३. शैक्षिक योग्यताका प्रमाणपत्रहरुको प्रतिलिपि ।
