काभ्रे,
काभ्रेको मण्डनदेउपुर नगरपालिकाले योजना सम्झौता गर्न आग्रह गरेको छ । नगरपालिकाको नगर सभाको ११ औं अधिवेशनबाट स्वीकृत भएको आर्थिक वर्ष २०७९÷८० को वार्षिक नीति तथा कार्यक्रम अनुसार वडा अन्तर्गतका टोल क्षेत्रमा संचालन हुने योजनाहरुको सम्झौता गर्न नगरपालिकाले आग्रह गरेको हो । प्रमुख प्रशासकीय अधिकृत डाक्टर लोक वहादुर लोप्चनले आज एक सूचना जारी गर्दै आगामी पुस ९ गतेभित्र योजना सम्झौता गर्न आग्रह गर्नुभएको हो ।
सम्झौताको समयावधि तोकिएको हुनाले सम्पूर्ण टोल विकास संस्था, संघसंस्था तथा विद्यालय व्यवस्थापन समितिहरुले नगरपालिकाले तोकेको प्रकृया पुरा गरी तोकिएको मिति भित्र सम्झौता गर्न पठाउनुहुन ÷ आउन नगरपालिकाले अनुरोध गरेको छ ।
