काभ्रे,
नुवाकोटमा विवाहको प्रलोभन देखाएर बालिकालाई जबरजस्तीकरणी गर्ने युवक पक्राउ परेका छन् । बालिकालाई जबरजस्तीकरणी गरेको अभियोगमा नुवाकोटको लिखु गाउँपालिकाका एक युवक पक्राउ परेका छन् । १६ वर्षकी बालिकालाई विवाह गर्ने प्रलोभन देखाएर बलात्कार गरेको आरोपमा गाउँपालिकाको वडा नम्बर ५ का ३१ वर्षका रोशन गोतामेलाई पक्राउ गरिएको हो ।
जिल्ला प्रहरी कार्यालय नुवाकोटकाअनुसार बालिकालाई ललाईफकाई किस्पाङ गाउँपालिका ५ केउरेनी जङ्गलमा पु¥याई उमेर पुगेपछि विवाह गर्ने आश्वासन दिएर जबरजस्तीकरणी गरेको गोतामेमाथि आरोप छ । पीडितको उजुरी प्राप्त हुनासाथ गोतामेलाई पक्राउ गरी नुवाकोट जिल्ला अदालतबाट पाँच दिनको म्याद थप गरी अनुसन्धान कार्य अघि बढाएको नुवाकोटका प्रहरी नायव उपरिक्षक तिलक भारतीले जानकारी दिनुभयो ।
