काभ्रे,
नमोबुद्ध नगरपालिकाको आगामी आर्थिक वर्ष २०८१÷०८२ को नीति तथा कार्यक्रम सर्वसम्मत पारित भएको छ । आज सभाध्यक्ष एवं नगरप्रमुख कुनसाङ लामाले दोस्रो नगरसभा तथा पाँचौँ अधिवेशनमा प्रस्तुत गर्नुभएको नीति तथा कार्यक्रम सर्वसम्मत रुपमा पारित भएको हो । आगामी असार १० गते पुनः बस्ने गरी नगर सभा स्थगन भएको नगर प्रमुख लामाले घोषणा गर्नुभएको थियो । अब अर्को नगरसभा यही असार १० गते सोमबार ११ बजे बस्ने बताईएको छ । नगर प्रमुख लामाले प्रस्तुत गर्नुभएको नीति तथा कार्यक्रममा सुशासन, आर्थिक विकास, पूर्वाधार विकास, शिक्षा, स्वास्थ्य, लगायतका अन्य विभिन्न क्षेत्रहरुको नीति समावेश भएका छन् ।
सभामा नगर उपप्रमुख रात्न लामा, प्रमुख प्रशासकीय अधिकृत शेषकान्त पौडेल, वडा अध्यक्षहरु, कार्यपालिका सदस्यहरु, वडा सदस्यहरु, पत्रकारहरु लगायतको सहभागी रहेको थियो ।
