काभ्रे,
बनेपा नगरपालिका कृषि साखाले गृहिणीहरुलाई लक्षित गर्दै सहर केन्द्रित कौसी खेती तालिम सञ्चालन गरेको छ । बनेपाको वडा नम्बर ७ बाट सुरु भएको तालिम वडा नम्बर ८ र ९ गरी करिव २० समुहमा ५०० जना भन्दा बढी गृहिणीहरुलाई दिने योजना रहेको बताइएको छ । तालिममा सहभागीहरुलाई कम्पोस्ट मल बनाउने भाडो र कौसी खेतीका लागि तरकारीको बीउ उपलब्ध गराइनेछ ।
बनेपा वडा नम्बर ७ का गृहिणीहरुलाई लक्षित गरी जैविक मल बनाउने र कौसी खेती तालिम दिइएको हो । नगरपालिकाको सहरी क्षेत्रमा फोहोर व्यवस्थापनको चुनौती रहेको र समाधानका लागि घरघरमै कौसी खेती गर्ने र कुहिने फोहोरलाइ जैविक मल बनाएर कौसीमा नै प्रयोग गर्दा फोहोर प्रसोधनको लागि टेवा पुग्ने नगर प्रमुख शान्ति रत्न शाक्यले जानकारी दिनुभयो ।
