काभ्रे,
नेपाली काङ्ग्रेस काभ्रे रोशी–७ को शुभकामना आदनप्रदान तथा वनभोज कार्यक्रम सम्पन्न भएको छ । नयाँ बर्ष २०८१ को पावन अवसर पारेर शिन्धुलीको कुशेस्वरमा कार्यक्रम सम्पन्न भएको हो । शनिबार कुशेस्वरमा नेपाली काङ्ग्रेस काभ्रे क्षेत्र न १ का सभापती दिनेश लामाको प्रमुख आतिथ्यतामा शुभकामना आदनप्रदान तथा वनभोज कार्यक्रम सम्पन्न भएको हो । कार्यक्रमलाई सम्बोधन गर्दै सभापति लामाले नेपालमा जतिपनी बिकास निर्माण र परिवर्तनको काम नेपाली काङ्ग्रेसले गरेको बताउनुभयो । ‘नेपालमा जतिपनी परिवर्तन र बिकास निर्माणको काम भएको छ नेपाली काङ्ग्रेसले गरेको छ ।’– उँहाले भन्नुभयो । ‘आगामी दिनमा पनि परिवर्तन र बिकास निर्माणको काम काङ्ग्रेसले नै गर्ने हो ।’ नेपाली काङ्ग्रेस रोशी–७ का कार्यकर्ताहरु नआत्ती र नडगमगाइ संगठन निर्माणमा लाग्न उँहाले आग्रह समेत गर्नुभयो ।
कार्यक्रमलाई सम्बोधन गर्दै नेपाली काङ्ग्रेस रोशी गाउँपालिका सभापति दुधराज लामाले आगामी निर्वाचनमा पार्टीले उठाएका उम्मेदवारलाई व्यक्ति हेरेर हैन पार्टी हेरेर मतदान गरि बिजयी गर्नुपर्ने बताउनुभयो । नेपाल प्रेस युनियनका निवर्तमान उपाध्यक्ष इश्वरी ओझाले नेपाली काङ्ग्रेस काभ्रेको नेतृत्व रोशीले गरेकाले समग्र जिल्लाको नेतृत्व रोशीले गरेको बताउनुभयो ।
नेपाली काङ्ग्रेस काभ्रे क्षेत्र न १(क)का सहचचिव वसन्तकुमार स्याङ्तानले रोशी–७ मा विविध कारण हार व्येहोर्नु परेको बताउनुभयो । अन्य पार्टीले मिसन ८४ भनेर हिडेको तर नेपाली काङ्ग्रेसको मिसन ८४ मात्र नभइ निरन्तर भएकोले बिगतका तितामिठा कुराहरु बिर्सेर अगाडि बढ्नु पर्ने स्याङ्तानले बताउनुभयो । नेपाली काङ्ग्रेस काभ्रेका जिल्ला सदस्य ज्ञानबहादुर लामाले नेपाली काङ्ग्रेस रोशी–७ कमिटी एक भएर जानुपर्ने बताउनुभयो ।
नेपाली काङ्ग्रेस रोशी–७ का सभापति राजकुमार मैनालीको सभापतित्वमा भएको कार्यक्रममा विभिन्न खेलको पनि आयोजना गरीएको थियो । सो कार्यक्रममा नेपाली काङ्ग्रेस काभ्रेका जिल्ला सदस्यहरु, क्षेत्रीय सदस्यहरू, नगर सदस्यहरु र वडा सदस्यहरूले शुभकामना आदानप्रदान गरेका थिए ।
