काठमाडौं विश्वविद्यालयको २८ औँ दीक्षान्त समारोहः १२ सय ४० विद्यार्थी दीक्षित हुँदै

काभ्रे,

धुलिखेलमा रहेको काठमाडौँ विश्वविद्यालय (केयू) को २८ औँ दीक्षान्त समारोह (दोस्रो चरण) यहि जेठ २८ गते आइतबार हुने भएको छ । विश्वविद्यालयले आज (बिहिबार) पत्रकार सम्मेलन गर्दै जेठ २८ गते आइतबार प्रधानमन्त्री तथा कुलपती पुष्पकमल दाहाल प्रचण्डको अध्यक्षता हुँने दीक्षान्त समारोहको दोस्रो चरणमा १२ सय ४० विद्यार्थी दीक्षित हुने जानकारी दिइएको हो । दिक्षान्त समारोहमा काठमाडौं विश्वविद्यालयबाट स्कुल अफ आर्टस्,एजुकेसन,इन्जिनियरिङ ,ल,म्यानेजमेन्ट,मेडिकल साइन्सेज,साइन्स विधाका पीएचडी ९ जना ,एमफिल ४१ जना,स्नातकोत्तर तहका ९८ जना र स्नातक तहका १ हजार ९२ जना सहित जम्मा १ हजार २ सय ४० जना विद्यार्थी दीक्षित हुनेछन् ।
तीमध्ये आर्टससका ३५ जना,एजुकेशनका ५७ जना, इन्जिनियरिङका ३६५ जना ,लका १ जना, म्यानेजमेन्टका ५० जना,मेडिकल साइन्सेजका ५६५ जना र साइन्सका १६७ जना रहेका छन् । दिक्षित हुनेमा ४९.३५ प्रतिशत पुरुष र ५०.६५ प्रतिशत महिला रहेका छन् । दिक्षित हुनेमा बेनिन, भारत, श्रीलङका र संयुक्त राज्य अमेरिका गरी चार देशका ७३ जना विदेशी विद्यार्थी रहेका छन् । दिक्षान्त समारोहमा विभिन्न पदकहरु पनि प्रदान गरिने बताइएको छ । काठमाडौँ विश्वविद्यालयले पहिलोपटक स्कुल अफ इन्जिनियरिङका Bachelor Of Architecture का २९ जना विद्यार्थीलाई उपाधि प्रदान गर्दैछ ।