काभ्रे,
काभ्रे जिल्लाको रोशी गाउँपालिकामा आर्थिक उपार्जनका लागि बजारीकरण सम्बन्धि १ दिने अन्तरकृयात्मक कार्यक्रम सम्पन्न भएको छ । गाउँपालिकाको सभाहलमा भएको कार्यक्रममा लघुउद्यमद्धारा सञ्चालन भएको खाद्य प्रशोधन तथा उत्पादित खाद्य सामग्री, महिला बालबालिका तथा जेष्ठ नागरिक शाखाद्धारा सञ्चालन भएको बुटिक तालिम पश्चात उत्पादन भएको कपडा तथा ढाका जन्य वस्तुहरुको पनि प्रदर्शन भएको छ । कार्यक्रममा गाउँपालिका अध्यक्ष दिनेश लामाले रोशीको पहिचानका साथै महिलाहरुको आर्थिक उपार्जन तर्फ उन्मुख हँुनको निम्ति विभिन्न शाखा मार्फत सञ्चालन भएको कार्यक्रमहरुलाई आह्वान गर्नुभएको छ । तालिम प्रदान गरेर मात्र कार्यक्रमको सार्थकता नरहने बताउदै उँहाले तालिमको सदुपयोग गर्दै उद्यमी महिलाहरु स्थापित गर्न सकेमा मात्र तालिम कार्यक्रमको अर्थ रहने बताउनुभयो । साथै आगामि दिनहरुमा तालिम मात्र नभई उद्यमी बन्न चाहने महिलाहरुलाई गाउँपालिकाले सहयोग गर्ने बताउनुभयो ।
उपाध्यक्ष मिम बहादुर वाईवाले आ आफ्नो सीप अनुरुपको सामग्री उत्पादन गर्न महिलाहरुलाई जोड दिनुका साथै बजरीकरणको निम्ति व्यक्तिगत तर्फबाट नजिकको बजारमा बिक्रि वितरण गर्न जोड दिनुभएको छ । यदि व्यक्तिगत तवरबाट सम्भव हुन नसकेमा राज्यले उक्त उत्पादित वस्तुको जिम्मेवारी लिने बताउनुभयो । साथै आज लघु उद्यमद्धारा सञ्चालन भएको २ महिने एड्भान्स ब्युटिपार्लर सम्बन्धि तालिमको पनि समापन भएको महिला बालबालिका शाखाका प्रमुख प्रज्वला राईले जानकारी दिनुभयो ।
कार्यक्रममा रोशी गाउँपालिका ह्याण्डी क्राफ्टद्धारा उत्पादन भएको सामग्री गाउँपालिकालाई चिनो स्वरुप हस्तान्रण भएको छ । कार्यक्रममा प्रवक्ता बसन्त कुमार तामाङ, वडा नम्बर ५ को वडा अध्यक्ष निरध्वज लामा, वडा नम्बर ७ को वडा अध्यक्ष अशोक कुमार गौतम, वडा नम्बर ११ को वडा अध्यक्ष लालकुमार पाख्रिनलगायत विभिन्न तालिममा सहभागी महिलाहरुको उपस्थिति रहेको महिला बालबालिका शाखा प्रमुख प्रज्वला राईले जानकारी दिनुभयो ।
