काभ्रे,
काभ्रे जिल्लाको बेथानचोक गाउँपालिका –४, चलाल गणेस्थानमा भएको बस दुर्घट्नामा परि मृत्यु भएकाहरुहरुको सम्झनामा दीप प्रज्ज्वलन गरि शान्ति पूजा गरिएको छ । दुर्घटनामा परीे ज्यान गुमाएकाको आफन्त तथा शुभेच्छुकले शनिवार दिउँसो दुर्घटनास्थलमा दीप प्रज्जवल गरी शान्ति पुजा गरेका हुन् । दुर्घटनामा परि मृत्यु भएको सम्पूर्ण आत्माको शान्तिको कामना गर्दै बेथानचोक गाउँपालिका अध्यक्ष भगवान् अधिकारी, वडा नम्बर ४ का वडाअध्यक्ष कृष्णबहादुर पाख्रिन लगायत सम्पूर्ण गणेशस्थानका बासिन्दाहरू मिलिजुली दुर्घटनामा परि मृत्यु भएको दिवांगत आत्माको चिर शान्तिको कामना गर्दै दीप प्रज्ज्वलन सहित शान्ति पुजा गरेका हुन् ।
बेथानचोक–५ च्याल्टीबाट बनेपा–११ सल्ले आएको रिजर्ब बस मंगलवार साँझ ६ बजे गन्तव्यतर्फ लाग्ने क्रममा दुर्घटनामा परी १७ जनाको मृत्यु भएको थियो । दुर्घट्नामा २२ जना घाईते भएका थिए ।
