काभ्रे,
रोशी गाउँपालिकाको विभिन्न स्थानमा गत २ गते बुधबारबाट शुरु भएको निःशुल्क आँखा शिविरबाट चार सय भन्दा बढी नागरीकहरु लाभान्वित भएका छन् । रोशी गाउँपालिकाको आयोजना तथा रेयुकाइ एइको मासुनागा अँखा अस्पताल बनेपाको प्राबिधिक सहयोगमा बुधबारबाट शुरु भएको शिविर हिजो सम्पन्न भएको थियो ।
फागुन २ गते रोशी– ७ स्थित अमरनाथ प्राथमिक बिधालयमा, ३ गते रोशी–११ स्थित भिमखोरी स्वास्थ चौकीमा र ४ गते रोशी २ स्थित वडाकार्यालयमा शिविर संचालन भएको थियो । रोशी गाउपालिका स्वास्थ शाखाका सह– संयोजक दिल रत्न शाक्यका अनुसार तीनदिने शिविरमा ४ सय २७ जनाले अँखा परिक्षण गरेकोमा ६६ जनाको आँखाको शल्यक्रिया गर्नुपर्ने देखिएको छ ।
जस अनुसार अमरनाथ प्राविमा १४५ जनाको आँखा परिक्षण गरिएकोमा १२ जनाको अपरेसन गर्नु पर्ने, भिमखोरी स्वास्थ्य चौकीमा १२६ जनाको परिक्षण गरिएकोमा १६ जनाको अपरेसन गर्नु पर्ने र रोशी–२ को वडा कार्यालयमा १५६ जनाको परिक्षण गरिएकोमा ३८ जनाको अपरेसन गर्नु पर्ने देखिएको शाक्यले जानकारी दिनुभयो ।
उनिहरु सबैको निःशुल्क शल्यक्रिया हुने बताउदै बिरामीलाई ल्याउने लाने, खाने बस्ने सबै गाउँपालिकाले व्यहोर्ने सह–संयोजक शाक्यले जानकारी दिनुभयो । उक्त सिविरमा रक्तचाप र मधुमेहको परिक्षण पनि निःशुल्क गरेका थिए ।
