काभ्रे,
तेमाल गाउँपालिका उपाध्यक्ष दलमान थोकरले बिहिबार (हिजो) गाउँपालिका भित्रका कृषकहरुलाई आवश्यक विभिन्न कृषि सामाग्री वितरण गर्नुभएको छ । तेमाल गाउँपालिका कृषि शाखा र फुलबारी तरकारी बीउ उत्पादक सहकारी सस्थां लिमिटेड तेमाल–१ को आयोजनामा कार्यक्रमको आयोजना भएको हो । ५० प्रतिशत साझेदारीमा प्रधानमन्त्री कृषि आधुनिकिकरण परियोजना आलु पकेट बिकास कार्यक्रम अन्तर्गत विभिन्न कृषि सामाग्री वितरण गरिएको हो । कृषि सामाग्री अन्तर्गत किसानहरुलाई १० थान मिनिटिलर ट्याक्टर, १ थान पावर टिलर, ड्याङ बनाउने टिलर, स्पेयर पम्प २० थान, बिषादी, आलु बीउ बीउ ९ हजार ८ सय केजी वितरण गरिएको छ ।
कार्यक्रमलाई सम्बोधन गर्दै उपाध्यक्ष थोकरले गाउँपालिकाले कृषिलाई यान्त्रीकरण गर्दै आधुनिक कृषि प्रणालीको विकास गर्न लागेको बताउनुभएको छ । उत्पादन बढाएर किसानलाई आत्मनिर्भर बनाउने गाउँपालिकाको योजना अनुसार प्रधानमन्त्री कृषि आधुनिकिकरण परियोजना आलु पकेट बिकास कार्यक्रम अगाडि सारेको बताउनुभयो ।
