काभ्रे,
श्रम संस्कृति पार्टीका अध्यक्ष एवं प्रतिनिधिसभा सदस्य हर्क साम्पाङले सांसदले स्वकीय सचिव राख्न पाउने कानुनी व्यवस्थाको विरोध गर्नुभएको छ । सामाजिक सञ्जालमार्फत आफ्नो असन्तुष्टि सार्वजनिक गर्नुहुर्दै उहाँले स्वकीय सचिवका नाममा हुने करोडौं खर्चले राज्यकोषमा ठुलो आर्थिक भार पर्ने लेख्नुहुदै यस्तो व्यवस्था खारेज हुनुपर्ने धारणा राख्नुभएको हो । उहाँले सामाजिक सञ्जालमार्फत स्वकीय सचिवका नाममा हुने करोडौं खर्चको गणितीय हिसाबसमेत प्रस्तुत गर्नुभएको छ ।
प्रतिसचिव मासिक ३० हजारका दरले मात्रै हिसाब गर्दा पनि २७५ जना सांसदका सचिवका लागि महिनाको ८२ लाख ५० हजार, वर्षको ९ करोड ९० लाख र ५ वर्षको कार्यकालमा ४९ करोड ५० लाख रुपैयाँ खर्च हुने भन्दै विरोध गर्नुभएको हो । धरान उपमहानगरपालिकाको पूर्वमेयरसमेत रहनुभएका साम्पाङले जनताको करबाट उठेको अर्बौँ रुपैयाँ स्वकीय सचिवका नाममा खर्च गर्नुभन्दा विकास निर्माण वा अन्य उत्पादनशील क्षेत्रमा लगाउनुपर्ने संकेत गर्नुभएको छ ।
