काभ्रे,
बेथानचोक गाउँपालिका वडा नं.१ च्याम्राङवेसीस्थित श्री त्रिवेणी प्राथमिक विद्यालयका विद्यार्थिहरुलाई झोला वितरण गरिएको छ । कार्यक्रमका प्रमुख अतिथि एवं वडाध्यक्ष मधुसुधन तिमल्सिनाले हिजो (बिहीबार) एक समारोहकाबीच विद्यालयका १० जना छात्रा छात्रहरु लाई झोला एवं शिक्षक कर्मचारी दुई जनालाई उलनको सल तथा गलबन्दी वितरण गर्नुभएको हो । विद्यालयमा विद्यार्थीहरुलाई नियमित आउनका लागि प्रोत्साहन गर्नका लागि झोला वितरण गरिएको हो ।
लोकेश्वर मिडिया सर्भिस,पुतलीसडक,काठमाडौंको संयोजनमा नेपाल आदिवासी जनजाति महासंघ अमेरिका फिप्ना उपसभामुख,लोकेश्वर मिडिया सर्भिसकी आजीवन संरक्षक एवं समाजसेवी गोमा योन्जनको साथ,सहकार्य र आर्थिक सहयोगमा आयोजित उक्त समारोहमा श्री भैरव माविका प्रधानाध्यापक वीरबहादुर लामा,नेकपा माओवादी केन्द्र वडा समिति अध्यक्ष बलबहादुर योन्जन,वडा पशु सेवा केन्द्र प्रमुख प्रदीप सिंतान,श्री त्रिवेणी प्राथमिक विद्यालय व्यवस्थापन समिति अध्यक्ष पूर्णबहादुर गोले तामाङ,प्रधानाध्यापक अमिरा चौंलागाई,अभिभावक,शिक्षक कर्मचारी,विद्यार्थीहरुको उत्साहजनक सहभागिता रहेको थियो ।
