काभ्रे,देबराज उप्रेती,
नमोबुद्ध नगरपालिका वडा नं ९ दाप्चा छत्रेबाँझमा रहेको दाप्चा कृष्ण बहुमुखी क्याम्पसले आफ्नो १२औँ वार्षिकोत्सव विभिन्न कार्यक्रम गरी मनाएको छ । हिजो (आईतबार) नगरप्रमुख कुन्साङ लामाको प्रमुख आतिथ्यतामा क्याम्पसको १२औँ वार्षिकोत्सव सम्पन्न भएको हो । नगरप्रमुख लामाले समग्र विकासमा शिक्षाको महत्व रहेको बताउँदै समय सापेक्ष शिक्षालाई जोड दिनुभएको छ । दाप्चा भेगको नै इतिहास बोकेको यस क्यापसले आफ्नो १२औँ वार्षिकोत्सवको शुभकामना व्यक्त गर्नुहुँदै नगरले यस क्याम्पसको गुणात्मक वृद्धिको लागी सहयोग गर्ने प्रतिबद्धता ब्यक्त गर्नुभयो । वडा नं १० का अध्यक्ष एवं विद्यालय व्यवस्थापन समिति अध्यक्ष रामकृष्ण उपाध्यायको सभापतित्वमा सम्पन्न कार्यक्रममा नगरपालिका उप–प्रमुख रत्न बहादुर लामाले दाप्चा क्षेत्रको शैक्षिक सुधारको लागी आफु र नगर सधै लागिपर्ने बताउँनुभयो ।
विद्यालयका प्रधानाध्यापक ज्ञान ब. भुजेलले क्याम्पसको गतिबिधीबारे प्रकाश पार्दै क्यासका चुनौतीहरु र भावी योजनहरूको बारेमा जानकारी गराउनुभएको थियो । कार्यक्रमा निभिन्न खेलकुद विधामा सहभागी विद्यार्थीहरुलाई पुरस्कार वितरण, विद्यार्थीहरुलाई छात्रवृत्ती वितरण एवं प्रशंसापत्र प्रदान गरीएको छ । कार्यक्रमको अवसरमा अक्षयकोश दाता केदार प्रसाद अधिकारीलाई दोसल्ला ओढाई सम्मापत्र सहित सम्मान गरिएको थियो । त्यसैगरी, कार्यक्रमका प्रमुख अतिथी एवं विशेष अतिथीहरुलाई मायाको चिनो प्रदान गरिएको थियो। कार्यक्रममा विभिन्न शैक्षिक संस्थाका प्र.अ , अक्षयकोष दाताहरु, समासेवी, शिक्षाप्रेमी एवं दाप्चा क्षेत्रका विभिन्न संघ संस्थाका प्रतिनिधीहरुको उपस्थिती रहेको थियो ।