काभ्रे,
नमोबुद्ध नगरपालिको नगर प्रमुख कुन्साङ लामाले योजना तर्जुमा गर्दा नीति,कार्यक्रम र बजेटको समन्वय हुनुपर्ने बताउनुभएको छ । नमोबुद्ध नगरपालिकाको आयोजनामा र स्कोलर नेपाल प्रालिको प्राविधिक सहयोगमा आयोजित नगरपालिकाको आवधिक नगर विकास योजना तर्जुमा सम्बन्धी अभिमुखीकरण कार्यक्रममा नगरप्रमुख लामाले यस्तो बताउनुभएको हो । नगरप्रमुख कुन्साङ लामाले नगरपालिका दिर्घकालिन सोचका साथ दिर्घकालिन लक्ष प्राप्तिका आवधिक योजनातर्जुमामा जुटको बतउनु भयो। त्यसै गरि प्रमुख प्रशासकिय अधिकृत शिव प्रसाद लम्सालले अभिमुखीकरण कार्यक्रम उपलब्धी मुलक रहेको र यसले मार्ग चित्र प्रस्तुत गर्दै ठोस तथा बस्तुरत आवधिक योजना बन्ने समेत बताउनुभयो ।
नगर प्रमुख कुन्साङ लामाको अध्यक्षतामा सम्पन्न कार्यक्रममा प्राविधिक परामर्शदाता बिके महर्जनले आवधिक योजना तर्जुमाको चरणहरुको बारेमा विस्तृत जानकारी दिँदै योजना तर्जुमा गर्दा नीति कार्यक्रम र बजेटको समन्वय हुन पर्ने बताउनुभयो । कार्यक्रममा स्कोलर नेपाल प्रालिका क्षेत्रीय योजनाविद मण्डुबाबु अधिकारीले आवधिक योजना तर्जुमा विधि प्रक्रिया बारे प्रष्ट पार्नु हुँदै आवधिक योजना तर्जुमाका सैद्धान्तिक आधार, चरणहरु र प्रारम्भिक पक्षहरूको बारेमा जानकारी दिनुभयो। नमोबुद्ध नगरपालिकाको आवधिक योजना तर्जुमाका लागि अन्तर पालिकाको सम्बन्धमा र सहकार्य गरी चैत्र मसान्त सम्म वडास्तरीय वस्तुस्थिति अनुरुप कार्यशाला सक्ने र त्यसैको आधारमा नगरी स्तरीय आवधिक योजना का लागि तीन दिन कार्यशाला गर्ने आवधिक योजना तर्जुमा सहभागितामुलक योजना तर्जुमा भएकाले यसमा नगरभित्रका सम्पूर्ण संघसंस्था र सरोकारवालाहरूको उपस्थित रहनु पर्ने बताउनुभयो ।
