काभ्रे,
रोशी गाउँपालिकाको जनप्रतिनिधिहरुको काम, कर्तव्य र अधिकार विषयमा २ दिने अभिमुखिकरण कार्यक्रम आज शुभारम्भ भएको छ । गाउँपालिकाको आवधिक योजना निर्माणको लागि योजना प्राथमिकिकरणका आधारहरुको विषयमा पनि जनप्रतिनिधिहरुलाई अभिमुखिकरण गरिने गाउँपालिका प्रमुख प्रशासकिय अधिकृत रामबहादुर तामाङले जानकारी दिनुभयो ।
दीर्घकालिन रुपमा गुणस्तर अभिवृद्धि गरी योजना निर्माण गर्न तथा रोशी गाउँपालिकालाई समृद्ध बनाउन सम्भावित आधारहरु छनौट गरी विकास निर्माणका कार्यहरु अगाडि बढाउन जनप्रतिनिधिहरुलाई उक्त कार्यक्रम सञ्चालन गरिएको हो । गाउँपालिकाको आयोजनामा भएको उक्त कार्यक्रम गाउँपालकाकै सभाहलमा भएको हो भने कार्यक्रम भोली २४ गते सम्म सञ्चालन हुने प्रमुख प्रशासकि अधिकृत रामबहादुर तामाङले जानकारी दिनुभयो ।
