रोशी सहकर्मी–चैत्र १७,
२०७६,मण्डनदेउपुर/

काभ्रेपलाञ्चोक जिल्लाको कान्छो नगरपालिका मण्डनदेउपुर नगरपालिकाले अनलाईनवाटै जनताको स्वास्थ्यको अवस्था बारे जानकारी लिन थालेको छ । उसले एउटा डिजिटल सर्भेसमेत सुरु गरेको छ । आफ्ना नगरबासी कुन अवस्थामा रहेको जानकारी लिन र उहाँहरुको स्वास्थ्य अवस्था बारे जानकारी लिन सुरु गरेको हो ।

यो बिषय परिस्थितीमा को को विदेशवाट आउनुभयो । उहाँहरुको अवस्था कस्तो छ । परिवारमा कति मान्छे हुनुहुन्छ उहाँहरु बिरामी हुनु भएको छ वा छैन भनेर अनलाइनवाटै सर्भेको काम सुरु गरेको हो ।

सो सर्भेमा बिरामी भए नभएको भएमा कुन औषधीको प्रयोग गरेको र अवस्था कस्तो रहेको छ त्यसबारे जानकारी लिन थालिएको मण्डनदेउपुरका मेयर टोकबहादुर वाइवाले बताउनुभयो । उहाँले वडाबाटै आफ्ना नागरिरको तंथ्याङ लिएपनि जिल्ला र जिल्ला बाहिर समेत रहनु भएका आफ्ना नागरिकको स्वास्थयको अवस्थाको बारेमा जानकारी लिने प्रयास गरेको बताउनुभयो ।

अहिले हामीले सचेतना जगाउने, मास्क वितरण गर्ने, स्वास्थ्यकर्मीलाइ तयारी अवस्थामा राख्ने प्रयास गरेका छौ । त्योसँगै अब हाम्रा नगरबासी कस्तो अवस्थामा रहनु भएको छ त्यसको जानकारी लिनको लागि सर्भेको काम सुरु गरेको वाइवाले बताउनुभयो । उहाँले अब सबैले संम्भव भएसम्म तंथ्याङ भरेर सहयोग गर्न अनुरोध समेत गर्नुभएको छ ।

Facebook Comments