जेठ ११
२०७८,काभ्रे
काभ्रेमा कोरोना सङक्रमण दर झनझन बढ्दै गएपछि पालिका सिल गर्ने क्रम बढेको छ । सात वटा पालिका सिल भइसकेका छन भने मण्डनदेउपुर नगरपालिकाले जेठ १२ देखी २१ गतेसम्म सिल गर्ने भएको छ । नगरद्धारा जारी सूचनामा कोरोना रोकथाम तथा नियन्त्रणका लागि नगर क्षेत्र सिल गर्न लागेको जनाएको छ । सूचना अनुसार जेठ १२ देखी २१ गतेसम्म औषधि र इन्धन बाहेकका सम्पूर्ण किसिमका पसल, व्यवसाय, पेशा तथा उद्योगहरु बन्द रहनुको साथै स्वास्थ्यसँग सम्बन्धित आपतकालिन बाहेकका सम्पूर्ण आवागमन र मानवीय आवतजावत पनि बन्द हुने जनाइएको छ । त्यस्तै उक्त समयमा दूध संकलन तथा विक्री गर्ने डेरीहरु समेत पूर्ण रुपमा बन्द हुने प्रकाशित सूचनामा उल्लेख गरिएको छ ।
नगरपालिकाका प्रमुख टोक बहादुर वाइबाद्वारा हस्ताक्षरित सूचनामा सूचनालाई वेवास्था गरी सिलको अवज्ञा गरेका पाइएमा संक्रमण रोग ऐन २०२० अनुसार कानुनी कार्वाही गरिने भनिएको छ । यस अघि बनेपा, पनौती, धुलिखेल, नमोबुद्ध नगरपालिका र रोसी गाउँपालिका जेठ १२ गते मध्यरात सम्म सिल गरिएका छन भने पाँचखाल र भुम्लु जेठ ८ बाट एक हप्ताका लागि सिल भएका छन । काभ्रेमा २८ सय सक्रिय सङक्रमित रहेका छन ।
