रोशी गाउँपालिकाको सहयोगमा माइती नेपालको समन्वय तथा हेल्दी नेपालको आयोजनामा लैैंगिक हिंसा तथा मानव बेचविखन विरुद्ध जनचेतनामूलक सडक नाटक प्रदर्शन भएको छ । रोशी गाउँपालिकामा यस अघि केहि मात्रामा लैंगिंक हिंसाका घटनाहरु घटिरहेको तथ्यांकले जनाएपछि त्यस्ता घटना रोकथाम तथा न्यूनिकरणका लागि रोशी गाउँपालिकाको आर्थिक सहयोगमा उक्त कार्यक्रम सञ्चालन गरिएको हेल्दी नेपालका अध्यक्ष शान्तिलक्ष्मी श्रेष्ठले बताउनुभयो । रोशीका जनप्रतिधि, विद्यालय शिक्षक, विद्यार्थी लगायत आम समुदायलाई लक्षित गरि उक्त कार्यक्रम आयोजना गरिएको हो । नाटकका माध्यमबाट गाउँ र टोल टोलमा त्यस्ता घटना न्यूनिकरण तथा रोकथाममा सघाउ पु¥याउने माइती नेपालका फिल्ड को—अर्डिनेटर राजन पौडेलले बताउनुभयो । रोशी नौ मंगलटार, रोशी७ कटुन्जे, रोशी २ लक्ष्मीनारायण माध्यमिक विद्यालयमा भएको उक्त सडक नाटकको कार्यक्रममा रोशी गाउँपालिका अध्यक्ष दिनेश लामा, प्रवक्ता बसन्त तामाङ, रोशी ११ को वडा अध्यक्ष लालकुमार पाख्रिन, हेल्दी नेपालका अध्यक्ष शान्ति रत्न शाक्य, सचिव सुनिता घिसिङ लगायतका व्यक्तित्वहरुको उपस्थिति रहेको थियो । समाजका जल्दो बल्दो समस्यालाई मध्यनजर गरी जनचेतनामूलक नाटक प्रस्तुत गर्ने माइती नेपालका कलकारहरु भने सीता लोहनी, समी राई, निर्मला तामाङ, फूलमायाँ तामाङ, गीता लामा, मञ्जु तामाङ, रन्जना श्रेष्ठको मुख्य भूमिका रहेको थियो ।
।
