नव प्रतिभा अङ्ग्रेजी माध्यमिक विद्यालयले विश्व बालश्रम विरुद्ध दिवस एक कार्यक्रम गरि मनायो।

विश्व बालश्रम विरुद्ध दिवसको अवसरमा नमोबुद्ध नगरपालिका नगरपालिका वडा नं ७ भकुण्डेबेुसीमा अवस्थित श्री नव प्रतिभा अङ्ग्रेजी माध्यमिक विद्यालयमा प्रतिभापूर्ण बाल क्लबले विशेष जनचेतनामूलक कार्यक्रमको आयोजना गरेको छ । विद्यालयभित्र बालश्रम शीर्षकमा वकृत्वकला प्रतियोगीताको आयोजना गरी प्रारम्भ भएको कार्यक्रम दिउँसो विद्यालयबाट बालश्रम विरुद्धको विभिन्न नारा सहित प्ले कार्डहरु बोकी भकुण्डे चोक हुँदै नगरपालिका कार्यालयसम्म पुगेर पुनः विद्यालयमा आइपुगेर समापन भएको थियो । उक्त कार्यक्रमको संयोजन शिक्षक विजय तामाङले गर्नु भएको प्रतिभापूर्ण बाल क्लबको कोषाध्यक्ष रुपक श्रेष्ठले बताउनु भयो ।