काभ्रे, रेडियो रोशी
नमोबुद्द नगरपालिका पुर्ण खोप सुनिश्चितता घोसणा गर्ने जिल्लामै पहिलो पालिका बनेको छ । आज जिल्ला समन्वय समिति काभ्रेका प्रमुख दिपक कुमार गौतमको प्रमुख आतिथ्यता तथा नगरप्रमुख कुन्साङ लामाको अध्यक्षतामा नगरपालिकालाई पूर्ण खोप सुनिश्चितता तथा दिगोपना पालिका घोषणा गरिएको हो । नमोबुद्ध नगरपालिका जिल्लाको १३ पालिकाहरु मध्ये यो आर्थिक बर्षको पहिलो पूर्ण खोप सुनिश्चितता पालिका घोषणा हुन सफल भएको हो । नगरपालिकामा ११ वटा बडा रहेका छन् । विभिन्न मितिमा पूर्णखोप सुनिश्चितता घोषणा भएका ११ वटै वडालाई पनि प्रमाणपत्र प्रदान गरिएको छ ।
सम्पुर्ण वडाको घरधुरी सर्वेक्षण गर्दा १६ देखि २३ महिनासम्म उमेरका ४ सय ७० बालबालिकाले खोप पाएको सुनिश्चित गरेपछि पालिकालाई पुर्ण खोप सुनिश्चितता घोसणा गरिएको हो । जिल्ला खोप समन्वय समिति काभ्रेका संयोजक समेत रहनुभएको जिसस प्रमुख दीपक कुमार गौतमले नमोबुद्ध नगरपालिकाका नगरप्रमुख कुनसाङ लामालाई पूर्ण खोप सुनिश्चितता तथा दिगोपना घोषणा भएको प्रमाणपत्र प्रदान गर्नुभएको थियो ।
पुर्ण खोप सुनिस्चतता तथा दिगोपना घोषणाको प्रभातफेरी समेत गरिएको थियो । नगरपालिकाको भवनदेखि भकुन्डे बजारसम्म खोपको प्रभावकारिता सम्बन्धी बिभिन्न नारा लगाईएको थियो । कार्यक्रममा नगर प्रवक्ता तथा वडा नं. ६ का वडा अध्यक्ष टिका बहादुर के.सी.ले स्वागत मन्तब्य राख्नुभएको थियो ।
कार्यक्रमलाई सम्बोधन गर्नुहुदै कार्यक्रमका प्रमुख अतिथि जिसस प्रमुख काभ्रेका दिपक कुमार गौतमले अथक परिश्रमले नमोबुद्ध नगरपालिका पालिका पुर्ण खोप सुनिस्चतता तथा दिगोपना घोसणा हुन सफल भएकोमा पालिकालाई बधाई ज्ञापन गर्नुभएको छ । खोप लगाउनबाट कुनै पनि बालबालिका बन्चित हुन नहुने उहाँको भनाई छ ।
त्यसैगरी नगरप्रमुख कुन्साङ लामाले पालिका नागरिकहरुको स्वास्थ्यलाई पहिलो प्राथमिकतामा राखेर अघि बढिरहेको बताउनुभयो । आज पालिका पुर्ण खोप सुनिस्चतता तथा दिगोपना घोसणा हुन सफल भएकोमा सम्पुर्ण नगरबासि र कर्मचारिहरुमा सुभकामना ब्यक्त गर्नुभएको छ । यो उपलब्धि अथक परिश्रमले सम्भव भएको बताउनुभयो ।
खोप रोगबाट बचाउने माध्यम मात्र नभई स्वस्थ र सुरक्षित भविष्यको आधार रहेको बताउनुभयो । विभिन्न संक्रामक रोगहरूबाट बच्न बालबालिकाहरूले समयमै सबै आवश्यक खोपहरू लगाउन अति आवस्यक रहेको उहाँले बताउनुभयो । आगामि बर्षहरुमा पनि सबै बालबालिकाहरूले नियमित रूपमा खोप पाउने वातावरण बनाईराख्न कटिबद्ध रहने उहाँको भनाई छ ।
नगर उपप्रमुख रत्नबहादुर लामाले महिला स्वास्थ्य स्वयंसेविकाको हकहितका लागि नगरपालिकाले विभिन्न कार्यक्रम गरेको जानकारी दिनुभयो । कार्यक्रममा शान्ति जनआदर्श सेवा केन्द्र काभ्रेका अध्यक्ष शंखबुद्ध लामा, जनस्वास्थ्य कार्यालय काभ्रेका खोप अधिकृत पार्यमणि न्यौपाने लगायतले मन्तब्य राखेका थिए ।
कार्यक्रममा नगरपालिकालाई पूर्णको सुनिश्चितता घोषणा गर्न लक्षित उमेर समूहका सम्पूर्ण बालबालिकाहरुलाई खोप लगाएर सहयोग गरेको भन्दै खोप अधिकृत पार्थमणि न्यौपाने र खोपकर्ता स्वास्थ्यकर्मीलाई प्रशंसापत्रसहित सम्मान गरिएको छ ।
कार्यक्रममा इलाका प्रहरी कार्यालय मंगलटारका इन्स्पेक्टर कृष्ण गिरीलाई बिदाई गरिएको थियो । गिरी राष्ट्रिय प्रहरी प्रशिक्षण प्रतिष्ठान केन्द्रीय प्रहरी संग्राहालय महाराजंग काठमाण्डौंमा सरुवा हुनुभएको छ । पालिकामा उहाँले गर्नुभएको योगदानको प्रशंशा गर्दै प्रमुख अतिथि, पालिका प्रमुख कुन्साङ लामा तथा वडा अध्यक्षहरुले माला खादा लगाएर बिदाई गरेका हुन् ।
कार्यक्रमा नगरपालिकाका उपाध्यक्ष रत्न बहादुर लामा, प्रमुख प्रशासकीय अधिकृत कृष्ण गिरी, जनस्वास्थ्य कार्यालय काभ्रेका खोप अधिकृत पार्यमणि न्यौपाने, नगरपालिकाका बरिष्ठ स्वास्थ्य अधिकृत पवक कुमार लामा, शान्ति जनआदर्श सेवा केन्द्र काभ्रेका अध्यक्ष शंखबुद्ध लामा, सम्पुर्ण वडाका वडा अध्यक्षहरु, कार्यपालिका सदस्यहरु, मेथिन्कोट अस्पततालका मेसु त्रिभुवन झा, बिभिन्न राननैतीक दलका प्रतिनिधिहरु, पत्रकारहरु, पालिकाका बिभिन्न शाखाका कर्मचारिहरु लगायतको सहभागिता रहेको थियो । कार्यक्रम नगर स्वास्थ्य शाखाका कर्म वाङ्गेल लामाले सञ्चालन गर्नुभएको थियो ।
