बैशाख २०,
२०७८,काभ्रे/

जिल्लामा पछिल्ला केहि दिन कोरोना संक्रमणले नयाँ रेकर्ड राखि रहँदा आज (सोमबार) फेरी १ सय ६ नयाँ कोरोना संक्रमित थपिएसँगै नयाँ रेकर्ड कायम भएको छ । स्वास्थ्य कार्यलय काभ्रेका वरिष्ठ स्वास्थ्य प्रशासक डा. नरेन्द्र कुमार झाका अनुसार नयाँ थपिएका संक्रमितहरु सबै भन्दा धेरै बनेपा, पनौती, धुलिखेल र पाँचखाल नगरपालिकाको छन् ।

उनका अनुसार आज थपिएकाहरु बनेपा नगरपालिकामा २८ जना, पनौती नगरपालिकामा २४ जना, धुलिखेल नगरपालिकामा पनि २४ जना र पाँचखाल नगरपालिकामा १८ जना, नमोबुद्ध नगरपालिकामा ३ जना, मण्डनदेउपुर नगरपालिकामा १ जनामा संक्रमण पुष्टि भएको छ । यस्तै बेथानचोक गाउँपालिकामा ३ जना, रोशी गाउँपालिका र महाभारत गाउँपालिकामा २/२ जना, भुम्लु गाउँपालिकामा १ जना गरी जम्मा १०६ जना नयाँ संक्रमित थपिएका छन् ।

काभ्रेमा यो सँगै कोरोना संक्रमित संख्या ३९ सय ८२ पुगेको छ । जसमा २५२ जना महिला र ३०३ जना पुरुष गरी ५ सय ५५ सक्रिय संक्रमित रहेका छन् ।

यसैबिच, आज जिल्लमा कोरोना संक्रमणबाट २ जनाको मृत्यु भएको छ । मृत्यु हुनेमा एक भारतिय नागरिक (पुरुष) को बनेपा स्थित शिर मेमोरियल अस्पतालमा र कोटेश्वर काठमाडौंकी ७० वर्षीय बृद्धाको धुलिखेल अस्पतालमा मृत्यु भएको कार्यलयले जनाएको छ ।

Facebook Comments Box