काभ्रे,रेडियो रोशी,
नेपाली कांग्रेस प्रतिनिधि सभा क्षेत्रीय कार्यसमिति क्षेत्र नं. १, काभ्रेले नमोबुद्ध नगरपालिका वडा नं.९ का वडा सदस्य माथि भएको निर्घात कुटपिट प्रति घोर भत्र्सना गरेको छ । नेपाली कांग्रेस नमोबुद्ध नगरपालिका वडा नं. ९ का वडा कार्यसमितिका सभापति एवं निवांचित वडा सदस्य कान्छामान तामाङमाथि २०८२ वैशाख १३ गते आफूलाई नेकपा (माओवादी केन्द्र) को नगर सचिव बताउने व्यक्तिबाट निर्घात कुटपिट भएको थियो ।
आज एक विज्ञप्ति जारी गर्नुहुदै नेपाली कांग्रेस प्रतिनिधि सभा क्षेत्रीय कार्यसमिति क्षेत्र नं. १ काभ्रेका सभापति दिनेस लामाले घटनामा संलग्न दोषीलाई तत्काल कानुनी कार्वाहीको माग गर्नुभएको हो । साथै उहाँले उपचाररत घाइते कान्छमान तामाङको शीघ्र स्वास्थ्य लाभको कामना गर्नुभएको छ ।
विकास निर्माणसँग सम्बन्धित सामान्य विवादमा वडा सदस्य कान्छामान तामाङमाथि कुटपिट भएको खुल्नमा आएको छ । कुटपिटबाट तामाङको टाउको, घाँटी र शरीरका विभिन्न भागमा गहिरो चोट लागेको छ । अझै अचेत रहनुभएको उहाँको थापाथली स्थित नर्भिक अस्पतालमा उपचार भइरहेको छ।
विज्ञप्तिमा भनिएको छः
“नेपाली कांग्रेस नमोबुद्ध नगरपालिका वडा नं. ९ का वडा कार्यसमितिका सभापति एवं निवांचित वडा सदस्य कान्छामान तामाङमावि ज्यानै मार्ने नियतले २०८२ वैशाख १३ गते भएको हमलाप्रति नेपाली कांग्रेस प्रतिनिधि सभा क्षेत्रीय कार्यसमिति क्षेत्र नं. १, काभ्रेपलाञ्चोक घोर भत्र्सना गर्दछ।
आफूलाई नेकपा (माओवादी केन्द्र) को नगर सचिव बताउने व्यक्तिबाट भएको यस प्रकारको आपराधिक घटनाको जति निन्दा गरे पनि कम हुन्छ। घटनामा संलग्न दोषीलाई तत्काल कानुनी कार्वाहीको जोडदार माग गर्दछौं।
लोकतान्त्रिक शासन व्यवस्थामा हरेक समस्याको समाधान आपसी छलफल र सहमतिबाट निरुपण हुने र अन्य कानुनी मार्गहरु हुदाहुदै जंगली शैलीमा निर्वाचित जनप्रतिनिधिमाथी साङ्घातिक आक्रमण गर्ने जो कोहिलाई तत्काल कडा भन्दा कडा कार्वाही गर्न विलम्ब नगर्न यसै विज्ञप्ति मार्फत सम्बन्धित प्रशासनको ध्यानाकर्षण गराउदछु। साथै उपचाररत घाइते कान्छमान तामाङको शीघ्र स्वास्थ्य लाभको कामना गर्दछु।”
