काभ्रे,
कालिकोटको एक विद्यालयले बिद्यार्थीहरुलाई ऐच्छिक विषयका रुपमा कोरियन भाषा पढाउने भएको छ । कालिकोटको महावै गाउँपालिका वडा नम्बर २ गैराखाडामा रहेको तिला माध्यमिक विद्यालयले कोरियन भाषा पढाउने भएको हो । विद्यालयले व्यवस्थापनतर्फ ऐच्छिक विषयका रुपमा कोरियन भाषा पढाउने निर्णय गरेको हो । कक्षा ११ र १२ का विद्यार्थीहरूका लागि कोरियन भाषा पढाउन लागिएको विद्यालयले जनाएको छ ।
विद्यार्थी र समयको मागअनुसार आफूहरूले कक्षा ११ र १२ मा व्यवस्थापनतर्फ ऐच्छिक विषयका रुपमा यसलाई समावेश गरिएको विद्यालयका लेखापाल भिमराज मल्लले जानकारी दिनुभयो । सामाजिक सञ्जालमा अनावश्यक विरोध भए पनि यो विषय पढ्नेहरूको सङ्ख्या बढ्दै गएको छ ।
