धुलिखेल–२ ले लम्पी स्कीन रोगबाट गाई भैंसी गुमाएका किसानलाई १० हजार राहत दिने

काभ्रेपलाञ्चोक जिल्लाको धुलिखेल नगरपालिका वडा नम्बर २ ले लम्पी स्कीन रोगबाट गाई भैंसी गुमाएका किसानलाई राहत दिने भएको छ । आज वडा अध्यक्ष अर्जुन न्यौपानेको अध्यक्षतामा बसेको बैठकले गाई भैंसी गुमाएका किसानलाई राहत दिने निर्णय गरेको हो । वडाले दुहुना गाई गुमाएका किसानलाई प्रति गाई भैंसी १० हजारका दरले राहत दिने निर्णय गरेको छ । त्यस्तै कोरेली पाडा, पाडी र बाच्छीको मृत्यु भए ५ हजार रुपैयाँ राहत उपलब्ध गराउने निर्णय वडाको बैठकले निर्णय गरेको हो । वडा कार्यालयको आर्थिक वर्ष ७८०÷८१ को प्रकोप कोष तथा आर्थिक वर्ष २०८०÷०८१ को वडा स्तरीय पशु सेवा कार्यक्रमबाट रकम वितरण गरिने बताइएको छ । यो वडामा लम्पी स्कीन रोगका कारण हालसम्म ६५ वटा गाई मरेको बताइएको छ ।