काभ्रे,
क्रिश्चियन धर्मावलम्बीहरूले आज ‘क्रिसमस डे’ मनाउँदैछन् । हरेक वर्ष डिसेम्बर २५ मा येशु ख्रिष्टको जन्मदिनको अवसरमा क्रिश्चियन धर्मालम्बीले क्रिसमस मनाउँछन् । नेपालमा पनि क्रिश्चियन धर्म मान्नेहरूले एकआपसमा शुभकामना दिएर मनाउँदैछन् । २ हजार वर्षअघि जेरुसेलमको बेथलेहममा कन्या मारियमको कोखबाट येशुको जन्म भएको मानिन्छ ।
येशुलाई जिसस क्राइस्ट पनि भनिन्छ । मानव समुदायका लागि उहाँले पु¥याएको योगदानको सम्मान र सम्झनामा इस्वी संवत चलाइएको व्याख्या हुँदै आएको छ । क्रिसमसको अवसरमा राष्ट्रपति रामचन्द्र पौडेल, उपराष्ट्रपति रामसहायप्रसाद यादव, प्रधानमन्त्री पुष्पकमल दाहाल प्रचण्डलगायत उच्चपदस्थ व्यक्ति, राजनीतिक दलका शीर्ष नेताहरूले शुभकामना सन्देश दिएका छन् । ‘क्रिसमस डे’ का अवसरमा सरकारले आज सार्वजनिक बिदासमेत दिएको छ ।
