काभ्रे,
भूकम्प प्रभावित महिलामाथि बलात्कारको आरोपमा एकजना पुर्पक्षका लागि थुनामा पठाइएको छ । जाजरकोट भूकम्पपछि पालमुनि बस्दै आएकी एक किशोरीलाई बलात्कार गरेको आरोपमा नलगाड नगरपालिका १ का २१ वर्षीय गोपाल बादीलाई पुर्पक्षका लागि थुनामा पठाइएको हो । सीआईएनको संयोजन र जाजरकोट तथा रुकुम पश्चिमका १० सामुदायिक रेडियोको सहकार्यमा खलङ्गा एफएमले उत्पादन गर्दै आएको कार्यक्रम ‘जीवनरक्षा’ दोस्रो भागमा भूकम्प प्रभावित महिलामाथि दुव्र्यवहार भएको बारेमा छलफल भएको थियो ।
भूकम्प प्रभावित महिला हिंसाको जोखिममा परेको बारेमा रिपोर्ट प्रसारण भएको थियो भने जिल्ला प्रहरी कार्यालय जाजरकोटका प्रमुख, डीएसपी सन्तोष रोका सहभागी हुनुभएको थियो । डीएसपी रोकाले आरोपित व्यक्ति पक्राउ परेको र उनलाई कारबाहीका लागि कुनै सम्झौता नहुने प्रतिबद्धता जनाउनुभएको थियो । कात्तिक २६ गते राति आफूमाथि बलात्कार भएको जाहेरी किशोरीले दिएकी थिइन् भने २८ गते गोपाल पक्राउ परेका थिए । जाजरकोटमा मात्रै भूकम्पपछि महिलामाथि दुव्र्यवहारका ५ वटा घटना सार्वजनिक भएका छन् ।
