काभ्रे,
दाङको भालुबाङस्थित राप्ती नदीको पुलबाट बस खसेर मृत्यु भएका १२ जनामध्ये ८ जनाको सनाखत भएको छ । शुक्रबार राति नेपालगञ्जबाट काठमाडौं तर्फ जाँदै गरेको भे १ ख ३९१२ नम्बरको बस पुलबाट तल राप्ती नदीमा खसेको थियो । दुर्घटनामा एक महिलासहित १२ जनाको मृत्यु भएको र २२ जना घाइते भएको इलाका प्रहरी कार्यालय भालुभाङले जनाएको छ । मृतक १२ जनामध्ये २ भारतीय नागरिकसिहत ८ जनाको सनाखत भएको प्रहरीले जनाएको छ । मृतक मध्ये हालसम्म ८ जनाको सनाखत भएको छ । घाइतेहरुलाई उपचारका लागि बुटवल र नेपालगन्ज पठाइएको छ । १२ वटै शव पोष्टमार्टमका लागि लमही अस्पतालमा लगिएको छ ।
