काभ्रे,
इलाका प्रहरी कार्यालय मंगलटार मातहतका प्रहरी चौकीहरुको अनुगमन गरीएको छ । हिजो सोमबार तालुक जिल्ला प्रशासन कार्यालय काभ्रेपलाञ्चोकका प्रमुख जिल्ला अधिकारी उमेश कुमार ढकाल र जिल्ला प्रहरी कार्यालय काभ्रेपलाञ्चोकका प्रमुख प्रहरी उपरीक्षक बशुन्धरा खड्काले प्रहरी चौकीहरुको निरीक्षण तथा अनुगमन गर्नुभएको हो ।
यस कार्यालय तथा मातहत प्रहरी चौकी भकुण्डेवेशी, प्रहरी चौकी कानपुर, प्रहरी चौकी पोखरी नारायणस्थान, प्रहरी चौकी कटुन्जे समेतको आन्तरिक तथा बाह्य निरीक्षण एवम् अनुगमन सँगसँगै निर्देशन प्रदान गर्नुभएको छ । यस कार्यालय मातहतका प्रहरी चौकीहरुमध्ये खहरेपाँगु प्रहरी चौकीको निरीक्षण तथा अनुगमन बाकि रहेको इलाका प्रहरी कार्यालय मंगलटारका प्रमुख कृष्ण गिरिले बताउनुभयो ।
निरीक्षणकै क्रममा इलाका प्रहरी कार्यालय मंगलटारमा नव स्थापित पुस्तकालय सहितको बहुउदेश्यीय हलको अवलोकन गर्नुका साथै मनसुनजन्य विपद व्यवस्थापनको क्रममा गरिएको कार्य लगायत यस कार्यालय तथा मातहत कार्यालयहरुबाट सम्पादित समग्र प्रहरी कार्य सम्बन्धमा तयार गरिएको वृत्त चित्र समेत देखाईएको इलाका प्रहरी कार्यालय मंगलटारका प्रमुख कृष्ण गिरिले बताउनुभयो । त्यस्तै सोहि क्रममा प्रहरी चौकी कानपुरको निर्माणाधिन भवनको समेत अवलोकन गरी स्थानियबासीहरुसँग अन्तरक्रिया समेत गरीएको थियो ।
निरीक्षणको क्रममा प्रहरी चौकी भकुण्डेवेशी तथा प्रहरी चौकी पोखरी नारायणस्थानको लागि प्रदत्त जग्गाहरुको समेत निरीक्षण, अवलोकन भएको छ । त्यसैगरी तेमाल गाउँपालिकाको कार्यालय समेत अवलोकन भ्रमण गरेर तेमाल गाउँपालिका अध्यक्ष चन्द्र बहादुर लामा, प्रमुख प्रशासकीय अधिकृत योगेन्द्रराज गुरुङ लगायत जनप्रतिनिधिसँग सुरक्षा लगायतको समसामयिक विषयमा छलफल अन्तरक्रिया समेत गरीएको थियो ।
यहि असोज १०, ११ र १२ गतेको अविरल वर्षा, वाढि, पहिरोको कारण सिर्जित प्राकृतिक विपत्तिको समयमा प्रहरी कर्मचारीहरुद्वारा निर्वाह गरिएकोे भूमिका प्रति उच्च मुल्याङ्कन गर्नुहुँदै धन्यवाद व्यक्त गर्नुभएको छ । त्यस्तै तवरले सदैव नागरिक सेवामा समर्पित हुन सम्पुर्ण प्रहरी अधिकृत तथा जवानहरुलाई अमुल्य निर्देशन प्रदान गर्नुभएको थियो । साथै विपदका कारण क्षति पुगेको स्थानहरुको अवलोकन, भ्रमण गर्दै विपदबाट प्रभावितहरुसँग अन्तरक्रिया समेत भएको थियो ।
