काभ्रे,रेडियो रोशी,
उपचारको क्रममा हिजो निधन भएका रोशी गाउँपालिका– १ का वडाध्यक्ष श्रीदास लामाको अन्त्येष्टी गरीएको छ । उहाँको आज लामा परम्परा अनुसार काठमाडौंको स्वयम्भूमा पालिकाको झन्डा ओढाएर अन्त्येष्टी गरीएको हो ।
वडाध्यक्ष लामाको अन्त्येष्टीमा पालिका अध्यक्ष दिनेस लामा, उपाध्यक्ष मिम मिम बहादुर वाईवा (ज्वाला) , प्रमुख प्रसाशकीय अधिकृत शिव प्रसाद भन्तना, सम्पुर्ण वडाका वडा अध्यक्षहरु, पालिकाका बिभिन्न शाखाका शाखा प्रमुखहरु, कार्यपालिका सदस्यहरु, नमोबुद्ध नगरका प्रमुख कुन्साङ लामा तथा बिभिन्न राजनतिक दलका नेताहरु सहभागि भएका थिए । उहाँको निधनप्रति पालिकाले पालिकाको झन्डा ३ दिनसम्म आधा झुकाईने भएको छ । वडाध्यक्ष लामाको निधन भएको दिन हिजो, आज र भोलि गरेर ३ दिनसम्म पालिकाको झन्डा आधा झुकाईने गाउँपालिका अध्यक्ष दिनेस लामाले जानकारी दिदनुभयो ।
उहाँको निधनप्रति गाउँपालिकाले दुःख ब्यक्त गर्दै आज शोक बिदा दिएको थियो । प्रमुख प्रशासकीय अधिकृत शिवप्रसाद भन्तनाले वडाध्यक्ष लामाको निधनले गाउँपालिका परिवार अत्यन्त मर्माहित भएको भन्दै गाउँपालिका क्षेत्रभित्र शोक बिदा गरिएको जानकारी दिनुभयो । त्यसैगरी जिल्ला अध्यक्ष राजन भुर्तेलले आज शोक वक्तव्य मार्फत वडाध्यक्ष लामाको निधन प्रति दुःख ब्यक्त गर्नुभएको थियो ।
वडाध्यक्ष लामाको उपचारको क्रममा हिजो अस्पतालमा निधन भएको हो । लामा विगत साढे एक वर्षदेखि उपचार गराइरहनु भएको थियो । उहाँ नेकपा एमाले काभ्रेपलाञ्चोक जिल्ला कमिटीको सचिवालय सदस्य हुनुहुन्थ्यो ।
