काभ्रे,
चिसो मौमसमा बालबालिकाको विशेष ख्याल राख्न चिकित्सकहरुले आग्रह गरेका छन् । चिसो मौमसमा बालबालिकालाई रुघा लाग्ने, निमोनिया, दम, ज्वरोलगायतले सताउन सक्ने भएकाले ख्याल गर्न चिकित्सकले सुझाव दिएका हुन् । चिसोमा बालबालिकालाई न्यानो बनाउने भन्दै धेरै लुगा लगाइदिँदा भित्र पसिना आएर झन् चिसो लाग्ने जोखिम हुने भएकाले सचेत हुनुपर्नेमा चिकित्सकहरुले जोड दिएका छन् ।
यो बेलामा बालबालिकालाई ज्वरो आउनु, रुघा खोकी लाग्नु सामान्य भएकाले आत्तिनुनपर्ने तर उनीहरूको अवस्था भने ख्याल गर्नुपर्ने बालरोग विशेष डा. कल्पना उपाध्याय सुवेदीले बताउनुभयो ।
