काभ्रे,रेडियो रोशी,
आगोलागीमा परी घाईते भएका रोशीका दुई जना बालबालिकाको स्वास्थ्य अवस्था बुझ्न पालिका अध्यक्ष दिनेस लामा अस्पतालमा पुग्नुभएको छ । हिजो बुधबार दिउँसो रोशी १० पाखाटोल स्थित एक घरमा आगोलागी हुदाँ घाईते बनेका दिदीभाईको स्वास्थ्य अवस्था बुझ्न उहाँ आज किर्तिपुर स्थित वर्न अस्पतालमा पुग्नुभएको हो । घाईते बालबालिकाको स्वास्थ्य अवस्था अहिले खतरामुक्त भनेर अस्पतालका चिकित्सकहरुले जानकारी दिएको अध्यक्ष लामाले रेडियो रोशीलाई जानकारी दिनुभयो । घाईते बालबालिकाको निः शुल्क उपचारको लागि पहल भईरहेको उहाँले जानकारी दिनुभयो ।
हिजो दिउँसो आगलागीमा परेर एकै घरका दिदीभाई ९ वर्षीय समीक्षा रेग्मी मगर र ६ बर्षीय सक्षम रेग्मी मगर घाईते भएका थिए । आगलागीको खबर पाए लगतै इलाका प्रहरी कार्यालय मंगलटारको टोली घटनास्थल पुगेर घाईते बालबालिकाको तत्काल उद्धार गरेर उपचारको लागि किर्तिपुर स्थित वर्न अस्पतालमा पठाएको थियो । स्थानीय र प्रहरीको सहयोगमा आगो नियन्त्रणमा लिइएको थियो ।
