काभ्रे÷देबराज
नमोबुद्ध नगरपालिका वडा नं ११ सीमलचौर स्यामपाटीका जेष्ठ नागरीकहरुलाई न्यानो कपडा वितरण गरीएको छ ।नगरप्रमुख कुन्साङ लामाको प्रमुख आतिथ्यतामा वडा कार्यालययकै बजेटबाट वडा भित्रका जेष्ठ नागरीकहरु (६८ बर्ष माथिका) लाई न्यानो कपडा (ब्लाङ्केट) वितरण गरीएको हो । वडा भित्रका १७४ जना जेष्ठ नागरीक हरुलाई न्यानो कपडा वितरण गरीएको छ। जेष्ठ नागरीकहरुलाई सम्मान स्वरुप एवं उनिहरुको भावनाको कदर गर्ने उद्देश्यले हरेक वर्ष यस्ता कार्यक्रमहरु गरीदै आएको वडा अध्यक्ष कृष्ण बहादुर लामाले रेडियो रोशीलाई जानकारी दिनुभयो । न्यानो कपडा वितरणले जेष्ठ नागरीकहरुको मुहारमा खुशियाली छाएको छ । उनिहरुले वडाले यस्ता कार्यक्रमहरु निरन्तर हुनुपर्ने अपेक्षा राखेका छन् ।
कार्यक्रममा नगरका ईन्जिनियर उज्वल कार्की,वातावरण अधिकृत सन्तोस काफ्ले, नेपाली काङ्गे्रस जिल्ला सदस्य तथा प्रवक्ता सन्त लामा एवं वडा सदस्य लगायतको सहभागिता रहेको थियो ।
