रोशी सहकर्मी–असार ९,
२०७७,काभ्रे/

मण्डनदेउपुर नगरपालिका र खानिखोला गाउँंपालिकालाई नेपाली काँग्रेस स्थानीय समितिहरुले स्थानीय सरकारले जनभावना विपरित काम गरेको भन्दै सचेत गराएका छन । मण्डनदेउपुर नगरपालिकामा नगरसभापति रामहरी सापकोटाको नेतृत्वमा गएको टोली नगरप्रमुख टोकबहादुर वाइवालाई ज्ञापनपत्र बुझाएको थियो । नेपाली काँगे्रसका उपसभापति अच्यूत पौडेल, जिल्ला कार्यसमितिका सदस्य, क्षेत्रिय समितिका पदाधिकारी, नेविसंघ, तरुण दल लगायत कार्यकर्ताले नारा जुलुस सहित नगरप्रमुखलाई ज्ञापन पत्र बुझाएको नेविसंघका नेता भोला नेपालले जानकारी दिए ।

ज्ञापनपत्रमा मण्डनदेउपुरको समग्र विकासमा कृषि क्षेत्रको विकास नगरी अन्य सम्भव नरहेको उल्लेख गर्दै त्यसका लागि नगरले गर्ने निर्णय सोही अनुरुप हुनुपर्ने भनिएको छ । नगरको प्राथमिकतामा सिंचाई, आधुनिक कृषि सामग्रीको उपलब्धता, उन्नत बीउ विजनको व्यवस्था, रासायनिक मलको सर्वसुलभ व्यवस्था, किसानले उत्पादन गरेको दुध र दूग्धजन्य पदार्थको विक्री वितरणमा सहजता हुनुपर्नेमा माग गरिएको छ । त्यस्तै नगरपालिकाले निर्माण गरेका क्वारेन्टाइन विश्व स्वास्थ्य संगठन मापदण्डका अनुरुप सेवासुविधा उपलब्ध गराइनुपर्ने, विपन्न र दैनिक ज्याला मजदुरी गरी खाने परिवारलाई तत्काल राहत प्याकेज घोषणा हुनुपर्ने, नगरपालिकाले एकद्धार प्रणलीबाट दिइदै आएको राहतलाई रोकेर जुनसुकै संघसंस्थाले पनि दिन सक्ने गरी राहत वितरण खुल्ला गरिनुपर्ने, विदेशबाट फर्किएकालाई रोजगारीको अवसर दिइनुपर्ने लगायतका माग राखिएको छ ।

त्यस्तै खानीखोला गाउँपालिकाले अध्यक्ष कृष्णबहादुर खुलाललाई ज्ञापनपत्र बुझाएको थियो । ज्ञापनपत्रमा सरकार भ्रष्टचारमा लिप्त भएको, क्वारेन्टाइनको तुरुन्त ब्यस्थापन गर्नुपर्ने ,स्वास्थ्य कर्मचारीलाई उचित हौसला बढाउन समयमा परिश्रमिक उपलब्ध गराउनु पर्ने ,सबै सरकारी कर्यालय, तथा कर्मचारीलाई हाइअलर्टमा राख्नपर्नेु, गाउँपालिकामा भएको सबारी साधनको दुरुपयोग रोक्नपर्ने, योजनामा भएको चरम अनियमितता रोकी कडा रुपमा अनुगमन गराई सबै योजनाको सार्बजनिक सुनवाइ गर्नुपर्ने, बिधुतिय पोलहरुको तुरुन्त ब्यबास्थापन गरिनुपर्ने ,स्थानीय बिधालयमा शिक्षक नियुक्ति गर्दा खुल्ला प्रतिस्पर्धा बाट गर्नु पर्ने ,योजना लोकतान्त्रिक बिधि बाट छनौट गर्नुपर्ने, जनप्रतिनिधि आफै ठेक्केदार हुन नपाउने, उपभोक्त समिती बन्द कोठामा बनाउन नपाईने लगाएतका माग राख्दै ज्ञापन पत्र बुझाईएको युवा नेता क्षेत्र वाईवाले जानकारि दिए ।

ज्ञापनपत्र बुझाए लगत्तै गाउपलिका कार्यलय अगाडी कोणसभा परिणात भएको थियो । कोणसभालाई कांग्रेस नेता सकुल तिमल्सिना, गाउँसभापति खडान्नद आचार्य, रघुनाथ तिमल्सिना, ओम ग्याबा, पर्सुराम आचार्य, सुबास घिसिङ, बृहस्पति घिसिङ, शक्ति थिङ , सकल थिङ, टक आचार्य, क्षेत्रमान ग्याबा, टिक थिङ, क्षेत्र वाईवाले सम्बोधन गरेका थिए ।

यसैबिच, भुम्लु गाउँपलिकाका अध्यक्ष गुमानध्वज कुँवरलाई पनि काँग्रेसले ध्यानाकर्षण पत्र बुझाएको छ । पत्रमा आर्थिक वर्ष २०७७/०७८ को निति तथा कार्यक्रम पेस हुन लागेकोमा ध्यानाकर्षण भएको जनाईएको छ ।

Facebook Comments